İşıqfor
At hərəkətini və ilk avtomobilləri tənzimləmək üçün svetoforlardan istifadə edilmirdi. Onlar əvvəlcə dəmiryol relslərində peyda oldular, lakin əvvəlcə qırmızı (bir neçə min ildir ki, Qərb mədəniyyətində təhlükə əlaməti olub) və ağ (təsdiq əlaməti olaraq) idilər. 1914-cü ildə ABŞ-də rəngli linzanın qırmızı işıqdan düşməsi və ağ işığa reaksiya verən sürücünün avtomobili idarə etmək mümkün olmadığı bir vaxtda keçməsi nəticəsində qəza baş verdi. Sonra ağ yaşıl rənglə əvəz olundu.
Sarı siqnal daha sonra gəldi və rəng spektrində (oxu: göy qurşağı) qırmızı və yaşıl arasında olduğu üçün seçildi. O vaxtlar fiziklər dalğa uzunluğu nə qədər qısa olarsa, müəyyən bir rəngin bir o qədər uzaqda görünəcəyini düşünürdülər.
Taksi
Taksilərin universal sarı rənginə görə 1915-ci ildə Çikaqoda ilk taksi parkını və avtomobil icarəsini açan sahibkar Con Hertzə minnətdar olmalıyıq.
Hertz qəsdən yolda avtomobilin ən çox nəzərə çarpan rənginin nə olduğu mövzusunda araşdırma aparıb. Səbəb və təsirin nə olduğu dəqiq bilinmir, lakin Hertz şirkəti digərlərindən daha uğurlu idi, buna görə də tezliklə rəqiblər avtomobillərin rəngini kopyalamağa başladılar, sarı rəngi taksilərin rəsmi rənginə çevirdilər.
Yeri gəlmişkən, taksilər bütün ölkələrdə sarı deyil: Honq-Konqda ağ dam ilə qırmızı, Vyetnamda isə tamamilə yaşıl rəngdədir.
Yanğınsöndürən maşın
Beynəlxalq variantları olan taksilərdən fərqli olaraq, bütün ölkələrdə yanğınsöndürən maşınlar qırmızı rəngdədir. Tarixçilər bunun niyə baş verdiyinə dəqiq cavab vermirlər, lakin üç variant təklif edirlər:
1.İlk yanğınsöndürmə briqadaları həvəskar könüllülər idi və qırmızı boya o zamanlar ən çox əldə edilə bilən boya idi. Belə ki, rəng yalnız qənaət baxımından seçilib.
2.Yanğınsöndürmə briqadaları könüllülər idi və yanğınsöndürmə gəlirli bir iş idi (dövlət yalnız 20-ci əsrin ortalarında məsuliyyəti öz üzərinə götürəcəkdi). Rəqabət edən müəssisələr bir şəkildə rəqabət aparmalı idilər və onlar fərqlənmək üçün parlaq rənglər seçdilər.
3.Ən rasional versiya yolda fərqlənmək üçün qırmızıdır. İlk avtomobillər demək olar ki, həmişə qara idi və qırmızı rəng seçilirdi.
,,Zebra,,
Piyada keçidlərinin işarələnməsi II Dünya Müharibəsindən sonra olduqca gec başladı. Ən yaxşı dizayn və rəng sxemi üçün müsabiqə təşkil edərək, piyadaların qayğısına qalan Britaniya hakimiyyət orqanları ilk idi.
Ağ ən yüksək kontrasta malik idi, ona görə də seçildi. İlk zebra keçidi 31 oktyabr 1951-ci ildə istifadəyə verilmişdir. Müvafiq olaraq, həmin gün piyadalara yolu yalnız keçidlərdən keçmələri tapşırılıb.
Futbol topu
Əgər idman muzeyində olmusunuzsa, yəqin ki, antik toplar görmüsünüz. Onlar həmişə qəhvəyi olurlar, çünki bu, dərinin təbii rəngidir və otda olduqca ziddiyyətli görünür
Toplar televiziyada yayımlanan 1970 Dünya Kubokuna qədər bu şəkildə qaldı. Televiziya proqramları o vaxtlar ağ-qara idi və top praktik olaraq otla qarışmışdı, ona görə də onu ağ-qara naxışda rəngləmək qərarına gəldilər.
Yeri gəlmişkən, 21-ci əsrin onuncu illərində qarlı meydançalarda istifadə edilən futbol topları parlaq sarı rəngdə hazırlanırdı.
Mənbə: Maximonline
Tərcümə etdi: Leyla Bayandurlu
