Şokolad yemək sağlamlıq üçün faydalı ola bilər. Yeganə diqqət çəkən odur ki, tünd şokolad qəbul edilməlidir. Kakao faizi nə qədər yüksək olsa, bir o qədər yaxşıdır. Həm də gündə bir və ya iki ədəd yeməyə sadiq qalsanız, daha faydalı olar.
1. Arıqlamağınıza kömək edə bilər
Neyroloq Uill Klouer hesab edir ki, şokolad artıq çəki artımına səbəb olmamalıdır. O, “Şokolad yeyin, arıqlayın” kitabında yeməkdən 20 dəqiqə əvvəl və 5 dəqiqə sonra bir parça tünd şokolad yeməyin iştahınızı necə təsir edici 50 faiz azalda biləcəyini izah edir. Clower-ə görə, bunun səbəbi şokoladın beyninizə "toxam" deyən hormonları işə salmasıdır. Ancaq unutmayın ki, bu, yalnız kakao ilə zəngin tünd şokoladlara aiddir. Südlü şokolad qan şəkərinizin səviyyəsini yüksəldər və sizi daha çox yeməyə həvəsləndirər.
2. Beyni gücləndirir
Onun beyinə qan axınını yaxşılaşdırmağa kömək etdiyinə dair hesabatlarla birlikdə, tünd şokoladın əla beyin qidası olduğu görünür. Tədqiqatçılar hətta Alzheimer xəstələri ilə onun xüsusiyyətlərini sınaqdan keçirdilər. Nature Neuroscience tərəfindən nəşr olunan bir sınaqda, "yüksək flavanol müdaxiləsinin dentat girus (DG) funksiyasını gücləndirdiyi aşkar edildi" - DG, "insanın qocalması ilə əlaqəli olaraq funksiyanın azaldığı" beyin bölgəsidir. Tədqiqat izah etsə də, flavanolların Alzheimer xəstəsi olanlara kömək etmək potensialı olsa da, xəstəliyin qarşısını tamamilə ala bilmir.
3. Möhtəşəm dəriyə sahib olmağıza kömək edə bilər
Flavonoidlər olduqca güclüdür. Siz fərqinə varmadan, onlar dərinizə işləyir, zərərli UV şüalarına qarşı filtr rolunu oynayır və sizi günəşin zərərindən qoruyur. Bu o demək deyil ki, siz günəşdən qoruyucu kremlərə qənaət etməlisiniz - həmişə günəş işığında olanda tətbiq edin. Üstəlik, çox yaxşı bildiyimiz kimi tünd şokolad stresdən, xətlərdən azad etməyə, dərini gənc, təravətli etməyə kömək edir.
4. Təbiətin ən dadlı dərmanıdır
Tünd şokolad yüksək antioksidant tərkibinin qan təzyiqini aşağı salmaq, ürək-damar xəstəlikləri riskini azaltmaq və qan axınını yaxşılaşdırmaq potensialına malik olduğunu sübut edən məqamlar aşkar olunub. Xəstəliklərlə mübarizə aparan hərtərəfli vasitədir. Güman edilir ki, tünd şokoladda olan flavanollar endoteli (damarların selikli qişası) azot oksidi əmələ gətirmək üçün stimullaşdıra bilər ki, bu da öz növbəsində damarları rahatlaşdırır və nəticədə qan təzyiqini aşağı salır. Bu rahatlaşdırıcı təsir minimal ola bilər, lakin kömək edir.
5. Sizə enerji verir
Daha az qəhvə içməyə çalışırsınızsa, tünd şokolad qəbul edə bilərsiniz- hər 100 qramda 43 mq kofein var.
Londonun Kinqston Universitetində aparılan son araşdırmada tünd şokoladın idmançılar üçün faydalı ola biləcəyini göstərir. Tünd şokoladın qan axınını yaxşılaşdırmaq qabiliyyəti (və öz növbəsində əzələlərə oksigeni daha sürətli çatdırmaq) sayəsində layihədə iştirak edənlər daha sürətli dövrə vura bildilər.
6. Daha uzun yaşamağınıza kömək edir
Jeanna-Louise Calmentin yaşı həddindən çoxdur. O, 122 yaşına çataraq, indiyə qədər yaşamış ən yaşlı "təsdiqlənmiş" insandır. Jeannanın sirri nədir? O, şokoladı sevirdi. Tünd şokoladın sağlamlıq faydaları haqqında bildiyimiz hər şeyi nəzərə alsaq, ən çox sevdiyi qəlyanaltının antioksidan təsirinin onun rekord qıran yaşa çatmasına kömək etməsi ehtimalı güclüdür. Şayiələrə görə, o, həm də zeytun yağı və velosiped sürmək həvəskarı idi - bu kombinasiya onun 122 yaşına qədər həyat qabiliyyətini qoruyub saxladı.
7. Bu sizi xoşbəxt edir
Elm razılaşır ki, şokolad sizi sevindirir və sadəcə onun gözəl dadına görə deyil. Şokoladın tərkibində onu qarşısıalınmaz edən kimyəvi komponentlər var, məsələn, feniletilamin - üzvi birləşmə, bədəndə sərbəst buraxıldıqda aşiq olmaq hissi ilə oxşar hissi stimullaşdırır. O, həmçinin beyində təbii olaraq mövcud olan dopaminlə birləşdikdə antidepresant kimi fəaliyyət göstərir. Tərkibindəki teobromin və triptofan ilə yanaşı (xoşbəxtliyi təşviq edir).
Mənbə: realbuzz.com
Tərcümə etdi: Ləman Xəqani
