Onurğa sınıqlarının səbəbləri
Düşmə və ya travma onurğa sınıqlarına səbəb ola bilər. Bu zədələrin bəziləri cərrahi müdaxilə tələb etməsə də, böyük qırıqlar vaxtında və lazımi qaydada müalicə edilməlidir. Böyük onurğa sınıqlarının müalicəsinin gecikdirilməsi ciddi uzunmüddətli problemlərə səbəb ola bilər.
Osteoporozlu xəstələrdə kiçik qəza və travmalar nəticəsində sınıqlar və ya çıxıqlar tez-tez müşahidə edilir. Osteoporoz və ya sümüklərin zəifləməsi sadə qəzalarda belə ciddi xəsarətlərə səbəb ola bilər.
Onurğa sınıqları onurğa sütunundan keçən sinir strukturlarına və onun ətrafındakı həyati vacib damarlara və orqanlara təsir etdiyi üçün son dərəcə ciddi nəticələrə səbəb ola bilər. Onurğa sınıqlarının 70 faizi arxa və bel fəqərələrində, 5-10 faizi boyun fəqərələrində, qalan hissəsi isə onurğanın digər hissələrində baş verir.
Qismən iflicdə, xüsusilə, iflicin tədricən irəlilədiyi müəyyən edildikdə təcili olaraq əməliyyat edilməlidir. Bu xəstələrin bir çoxunda tam və ya tam sağalma əldə edilə bilər.
Onurğa və onurğa beyni anatomiyası
Onurğa sınıqları məsələsini bir az daha yaxşı başa düşmək üçün onurğanın anatomiyasına qısaca nəzər salaq. Onurğa bir-birinə yumşaq toxuma, oynaqlar və fəqərəarası yastıqlar (disklər) ilə bağlanan 33 sümükdən ibarətdir.
Bu fəqərə zənciri bədənimizin dik durmasına və hər tərəfə (irəli, geri əyilmə, yana dönmə) hərəkət etməsinə imkan verən dayaq quruluşu əmələ gətirir. Bundan əlavə, hər bir fəqərənin arxa hissəsində onurğa beyninin keçdiyi halqa sümük quruluşu var və bunlar onurğa beynini qoruyur.
Onurğa beyni beyinlə qollar, gövdə və ayaqlar arasında əlaqəni təmin edən və beyindən bu bölgələrə əmrlər gətirən və qəbul edən sinir toxumasından ibarətdir. Elektrik kabeli kimi fəaliyyət göstərir. Bu, əllərimizin və qollarımızın, ayaqlarımızın, hissiyyat funksiyalarımızın işləməsini təmin edir. O, həmçinin nəfəs almağımıza kömək edir və sidik və nəcis funksiyalarını idarə edir.
Onurğa zədələri nədir?
Onurğa xəsarətləri yüngül yumşaq toxuma travmalarından onurğa sınıqlarına və onurğa beyni zədələrinə qədər müxtəlif şiddətdə ola bilər. Onurğanın sınıqları və çıxıqları onurğa beyninin zədələnməsinə və iflicə səbəb ola bilər. Onurğa zədələrinin müalicəsi də işin şiddətindən asılı olaraq dəyişir.
Mənbə: acibadem.com
Tərcümə etdi: Uğur Hacıyev
