Yetkin bir insanın normal bədən istiliyi təxminən 37° C-dir. Bu temperatur 35° C-dən aşağı düşdükdə hipotermiya baş verir. Hipotermiya bədənin uzun müddət yarada biləcəyindən daha çox istilik itirdikdə baş verir.
Bu vəziyyət adətən soyuq, küləkli havada, soyuq suda və ya soyuq evdə uzun müddət qalan insanlarda baş verir. Bununla belə, bədən düzgün geyimlə kifayət qədər qorunmazsa, hətta yağış və tər də temperaturumuzu azalda bilər. Şiddətli hipotermiya həyati təhlükəsi olan bir vəziyyətdir, çünki bir insanın həyat fəaliyyəti üçün vacib olan orqanların işləməməsinə səbəb ola bilər
Hipotermiyaya səbəb nədir? Bədən istiliyinin qeyri-adi düşməsinə səbəb olan bəzi amilləri aşağıdakı kimi sıralamaq olar:
1. Hava şəraitinə uyğun olmayan geyim, aşağı hava temperaturu.
2. Soyuq havada idman
3. Uzun müddət soyuq suda qalmaq(isti havalarda belə)
4. Xüsusilə körpələrdə və gənc uşaqlarda: yaş və ya nəm paltar.
5. Bədəndə geniş yanıqların olması
Mənbə: Medicalpark
Tərcümə etdi: Fatimə Şükürova
