Cənnət və Cəhənnəm çökəklikləri yerin 30 qat altında, Silifke şəhər mərkəzindən 25 km məsafədə, Qədim Narlıkuyu Limanından 2 km şimal-qərbdə və Korykosdan (Qız qalası) 5 km qərbdə yerləşən təbii çuxurlardır.
Cənnət və Cəhənnəm çökəklikləri uzun illər ərzində yeraltı suların əhəng qatını əritməsi və içindəki suyun boşaldılması və tavan konstruksiyasının çökməsi nəticəsində əmələ gələn təbii çuxur birləşmələridir.Cənnət və Cəhənnəm çuxurunun arasında 80 metr məsafə var.
Cənnət çuxuru
Səmavi çuxur yeraltı axının yaratdığı kimyəvi aşınma nəticəsində tavanın çökməsinə görə əmələ gələn böyük bir çuxurdur. Ellips formalı ağızın diametri 250 və 110 metr, dərinliyi isə 70 metrdir. Çuxurun yuxarısının cənub hissəsi təxminən 200 m. uzunluğunda, ən dərin yeri isə 135 m-dir. Bu mağaranın girişində kiçik bir kilsə var.
Kilsənin giriş qapısındakı 4 sətirlik kitabədə bu kilsənin 5-ci əsrdə Paulus adlı dindar tərəfindən Məryəm anaya həsr olunduğu yazılır. Hər biri olduqca geniş olan 452 pilləli daş pilləkən vasitəsilə səmavi mağaraya enə bilərsiniz. Kilsəyə 300-cü pillədə çatılır. Kilsədən sonra mağaranın sonunda mifoloji yeraltı axının səsi eşidilir.
Çuxurun şimal yamacı kifayət qədər dikdir. Çuxur, qapalı karst mağara sistemi daxilində bir qalereyanın tavanının çökməsi nəticəsində yaranmışdır. Yeraltı axın da deyə biləcəyimiz bu sistem bu gün də fəaliyyətini davam etdirir və axın yolunda əmələ gələn Cəhənnəm çuxurunun alt səthinin altından keçir. Narlıkuyu torpağının dərinliklərindən karst bulaqları şəklində Aralıq dənizi ilə qarışır.
Çuxurun dibinə enən pilləkənin sonuna yaxın Ellinizm dövrünə aid Zevs məbədi var. Dor qaydasında inşa edilən məbədin şimal divarındakı daşların üzərində Ellinist və Roma dövründə xidmət etmiş 130 ruhaninin adı yazılmışdır. Məbəd xristianlıq dövründə kilsəyə çevrilib. Məbədin cənub hissəsinin divarı yoxdur. Pilləkən yolunun da bu dövrə aid olduğu güman edilir. Çuxurun dibinə asanlıqla enə bilərsiniz. Bu səthin yerlə təmas nöqtəsində yeraltı axının səsləri asanlıqla eşidilir, yuxarı qalxan bir lift də var.
Cəhənnəm çuxuru
Təxminən 110 m dərinliyi olan cəhənnəm çuxuru, yeraltı mağara sisteminin tavanının aşınaraq çökməsi nəticəsində Cənnət çuxurunun əmələ gəlməsinə səbəb olan karst yeraltı axınının çökməsi nəticəsində əmələ gəlmişdir. Cəhənnəm çuxurunun ağız dairəsinin diametri 50 m və 75 m, dərinliyi isə 110 metrdir. 2021-ci ildə Cəhənnəm çuxurunu daha yaxşı müşahidə etmək üçün şüşədən bir müşahidə terrası tikildi.
Yunan mifologiyasına görə, Zevs burada döyüşdə alov saçan yüzbaşlı əjdaha Tayfonu məğlub etdikdən sonra onu əbədi olaraq Etna dağının altına bağlamadan əvvəl bir müddət cəhənnəm çuxurunda həbs edib.
Mənbə: ntv.com
Tərcümə etdi: Aytac Musayeva
