Bədən dili nədir?
Bədən dili, insanların heç bir şifahi ünsiyyət olmadan öz hisslərini və düşüncələrini bədən dili ilə qarşı tərəfə çatdırma üsuludur.
Bu bədən dilləri; Üz ifadəsi, duruş, əl və qol hərəkətləri kimi elementlərdən ibarət ola bilər.
Bədən dili hərəkətləri və mənaları ilə insanlarla ünsiyyət qurarkən, onların əslində nə demək istədiklərini və hansı emosional vəziyyət yaşadıqlarını anlaya bilərsiniz.
Bədən dili hərəkətləri insanın əslində hiss etdiyi hissləri və bu hisslərin mənasını açıq şəkildə ortaya qoyur. Bədən dili hərəkətləri nə qədər yaxşı bilinsə, bir o qədər yaxşı ünsiyyət qurula bilər.
Bədən dilinin istifadəsi nədir?
Bədən dilindən istifadə insanın özünə inamını artırır və uğurlu ünsiyyətə şərait yaradır. Effektiv ünsiyyət növü olan bədən dili fərdin şifahi ünsiyyətə də daxil olduğu əhəmiyyətli bir fenomendir. Şifahi ünsiyyət bədən dili ilə dəstəkləndikdə daha uğurlu ünsiyyət forması ortaya çıxır.
Ən çox istifadə olunan bədən dili jestləri və onların mənaları hansılardır?
1. Qolların kəsişməsi
Qolları sinə üzərindən keçmək aydın müdafiə və ya rədd mövqeyidir. Ən məşhur bədən dili jestlərindən biri olan qolların çarpazlaşdırılması müxtəlif mənaları ehtiva edir.
Bu hərəkəti edən şəxs qapalıdır və heç vaxt əlaqələrə açıq deyildir. O, həmişə müdafiədədir və onun rəddedici bir rəftarda olması mümkündür. Eyni zamanda söhbət və ya müzakirə zamanı bunu edən şəxs deyilən fikirlərlə razılaşmır və görülən hərəkətləri bəyənmir.
2. Təbəssüm etmək
Bədən dili hərəkətləri və onların mənaları arasında ən bariz hərəkət gülümsəməkdir. Tam bir üz istiliyi olaraq görülən təbəssüm öz daxilində fərqli mənalar daşıya bilər və bu bədən dilinin mənalarını deşifrə etmək olduqca asandır. Xoşbəxtlik təbəssümü, utancaq bir təbəssüm, isti bir təbəssüm və ya ironiya ehtiva edən bir təbəssüm qarşınızdakı insanla ünsiyyətdə özünü açıq şəkildə ortaya qoyur.
3. Başın Sağa və ya Sola əyilməsi
Başı sağa və ya sola əymək çox vaxt deyilən sözlərin aydın eşidildiyini göstərən bir jestdir. Sıx konsentrasiya jesti olaraq görülən başın əyilməsi, ötürülən mesajın açıq kanaldan keçdiyinin yaxşı göstəricisidir.
4. Qulağı çəkmək və ya tutmaq
Qulağı çəkmək və ya qulağı tutmaq ümumiyyətlə qərar vermə mərhələlərində edilən bədən dili jestidir. Bu hərəkəti edən şəxs qərar verməyə çalışır, lakin beynindəki fikirləri aydınlaşdıra bilmir.
5. Göz təması qurmaq
Bədən dili hərəkətləri və mənaları arasında ən çox istifadə edilən bədən dili hərəkəti göz təması qurmaqdır. Göz təması qurmaq, deyilənlərin qarşı tərəfə aydın şəkildə çatdırılmasını təmin edir və marağını canlı saxlayır. Ümumiyyətlə, insanlar 3,5 saniyədən çox göz təması qura bilmirlər və bu müddət qarşı tərəfin səmimiyyət dərəcəsindən asılı olaraq dəyişir. Dost olduğumuz insanlarla daha uzun müddət göz təması qura bilsək də, tanımadığımız insanlarla orta hesabla 1,2 saniyədən çox davam etmir.
6. Yerə baxmaq, aşağı baxmaq
Yerə baxmaq çox vaxt zəiflik əlamətidir və insanın əmin olmadığını göstərir. İstənilən ünsiyyət və ya müzakirə vəziyyətində aşağı baxmaq və göz təması qurmaq sağlam bir söhbəti təmin edəcək. Aşağı baxmaq əvəzinə sola və ya sağa baxmaq ünsiyyətin keyfiyyətini pisləşdirməyəcək.
7. Buruna toxunmaq
Buruna toxunmaq qarşı tərəfdən inamsızlıq siqnalı kimi qəbul edilir. Söhbət əsnasında əlinizi burnunuza gətirmək, qarşı tərəfin inamsızlığına və rədd edilməsinə işarədir. Ən təhlükəli bədən dili jesti sayılan buruna toxunmaq da qarşı tərəfə açıq və dürüst bir insan olmadığınızı əks etdirə bilər.
8. Çənəni sığallamaq
Saqqal və ya çənəni sığallamaq da bədən dili jestləri və onların mənaları siyahısına daxildir. Saqqalı və ya çənəni sığallamaq həm qərarsızlıq, həm də gərginlik vəziyyətini göstərə bilər. Əgər siz həm susursunuzsa, həm də saqqalınızı və çənənizi sığallayırsınızsa, bu, çox güman ki, qarşı tərəfin bir şeydə qərarsız olması deməkdir.
9. Dırnaqları dişləmək
Dırnaqları dişləmək insanın stressli və əsəbi olduğunu açıq şəkildə göstərir. Psixoloji narahatlığın da əlaməti olan dırnaq yemək orqanizm üçün son dərəcə zərərli ola bilər və insanın xarici görünüşünə görə özünə inam problemlərinə də səbəb ola bilər.
10. Yumruqları sıxmaq
Yumruğunu sıxmaq qəzəbin açıq əlamətidir. Yumruğunu sıxan insan çox əsəbi olur və hirsini cilovlamaqda problem yaşayır. Psixoloji pozğunluqların da göstəricisi olan yumruğunuzu sıxma hərəkəti tez-tez edilirsə, bir mütəxəssisdən dəstək alınmalıdır.
Mənbə: Boğaziçi Enstitüsü
Tərcümə etdi: Aminə Paşazadə
