Yaşayış otaqlarından tutmuş mənzərələrə qədər zəngin yaşıl yarpaqları olan bitkilər gününüzü işıqlandırır və dünyanızı gözəlləşdirir. Ancaq bəzən bütün səylərinizə baxmayaraq, bitki yarpaqları bunun əvəzinə sarıya çevrilir. Xloroz kimi tanınan saralma, bitkinizin xlorofilinə bir şey müdaxilə etdikdə baş verir. Bu onların gözəl yaşıl rənginin arxasındakı bitki piqmentidir. Yaxşı xəbər budur ki, sarı yarpaqlar bitkilərin köməyə ehtiyacı olduğunu bildirir. İşarələri oxumaqla və düzgün addımlar atmaqla, sarı yarpaqları düzəldə və onların qayıtmasının qarşısını ala bilərsiniz. Sarı yarpaqların əksəriyyəti bu problemlərdən birinə aid edilə bilər:
Zəif drenaj və ya düzgün olmayan suvarma
Köklərin zədələnməsi və ya sıxılmış köklər
Düzgün olmayan torpaq
Qida maddələrinin olmaması
Su problemləri-ya çox, ya çox az suvarma sarı yarpaqların arxasında duran əsas səbəbdir. Həddindən artıq nəm torpaqda köklər nəfəs ala bilmir. Bitkilərə lazım olan su və qida maddələrini boğur, bağlayır və çatdırmağı dayandırır. Quraqlıq da oxşar təsirə malikdir. Çox az su ilə bitkilər əsas qida maddələrini qəbul edə bilməzlər. Sarı yarpaqlar meydana gəlir. Su problemlərini həll etmək və ya qarşısını almaq üçün məsaməli, yaxşı drenaj edən torpaqdan başlayın. Əgər qablarda yetişdirirsinizsə, yaxşı drenaj dəlikləri olan qabları seçin və nəlbəkiləri artıq sudan təmizləyin. Landşaftınızda yağış suyunun və ya suvarma suyunun yığıldığı yerlərdə əkməkdən çəkinin. Torpağın quruluşunu və drenajını yaxşılaşdırmaq üçün kompost kimi üzvi maddələri torpağınıza daxil edin. Su vermədən əvvəl torpağa "barmaq sınağı" verin. Şəhadət barmağınızı torpağa bir neçə düym daxil edin. Bir qayda olaraq, yalnız torpaq quru olduqda su verin. Sonra hərtərəfli və dərin sulayın. Torpaq sərin və nəmdirsə, bir neçə gün gözləyin. Yenidən suvarmadan əvvəl həmişə torpağın bir az qurumasına icazə verin.
Köklərin zədələnməsi bir çox yollarla baş verir, yalnış kürəklərdən kök çürüməsinə və digər xəstəliklərə qədər. Zədələndikdən sonra, köklər bitkinizin ehtiyac duyduğu şeyi çatdırmaq üçün mübarizə apara bilər. Konteyner bitkiləri qablarından böyüdükdə, sıxılmış köklər meydana gəlir. Çöldə, sıxılmış landşaft torpağı su, oksigen və qida maddələrinin hərəkətini maneə törədir. Bu hallarda köklər düzgün işləyə bilmir və problemlər sarı yarpaqlar şəklində özünü göstərir. Konteynerlərdə zədələnmiş və ya sıxılmış kökləri yoxlamaq üçün bitkinizi qabdan yumşaq bir şəkildə sürüşdürün. Torpağın nəmliyinə də yaxından nəzər salmış olacaqsınız. Sağlam bitki kökləri ağımtıl sarı rəngdədir. Qaranlıq, çürüyən köklər iy verir. Köklər çürük və xəstədirsə, yeni bir bitki düşünməyin vaxtı gəldi. Əgər sıxılma problemdirsə, qeyri-sağlam kökləri budayın, kökləri zərifcə yaxşı drenajlı torpaq ilə daha böyük bir qaba köçürün.
Mənbə: pennigton.com
Tərcümə etdi: Gülnisə Əfkari
