Çay saatının ən dadlı təamı olan keks reseptləri müxtəlif çeşidlərdə hazırlanır. Ancaq keks hazırlayarkən bəzi məqamlar nəzərə alınmazsa, bütün əziyyətin boşa çıxma ehtimalı var. Buna görə də həm qabaran, həm də dadlı tortlar hazırlamaq üçün bilməli olduğunuz məqamlar var. Keks hazırlayarkən bu tövsiyələrə diqqət yetirməklə mətbəxdə yemək bişirmək bacarığınızı nümayiş etdirə və hər kəsi heyran edə bilərsiniz. Keks hazırlayarkən diqqət etməli olduğunuz şeylər bunlardır:
Qabaran keks hazırlamaq üçün tövsiyələr hansılardır?
Əsas məmulatlardan istifadə:
Əgər keks hazırlamağa yeni başlamışsınızsa, əsas inqrediyentlərdən ibarət reseptləri sınamağı məsləhət görürük. Əliniz öyrəşənə qədər qatıqlı keks, qozlu keks və limonlu keks kimi sadə addımlardan ibarət keks reseptlərinə diqqət yetirin.
Keksin əvəzolunmaz məmulatları ilə tanış olun:
Bunlar süd, şəkər tozu, un, yumurta, yağ, vanil və qabartma tozudur.
Bəzi məmulatların temperaturuna diqqət yetirin:
Bir çox keks reseptlərində "Kərə yağının otaq temperaturunda olduğundan əmin olun" deyilir. Siz qeydi görmüş ola bilərsiniz. Ancaq qabaran keks hazırlamaq üçün yalnız yağa fikir vermək kifayət deyil. Tərkibləri 15 dəqiqə əvvəldən çıxarıb otaq temperaturunda saxlamaqla daha yaxşı nəticə əldə edə bilərsiniz. Yumurta və yağın istiliyinə xüsusi diqqət yetirin.
Resept ölçülərinə riayət edin:
Keks hazırlayarkən göz ölçülərindən istifadə etmək əvəzinə, verilən ölçülərdən istifadə edin. Bəzi ölçülər qram və litrlə yazıldığı üçün bu ölçüləri qeyd etməkdə fayda var.
1 stəkan un = 140 qram, 1 çay stəkanı dənəvər şəkər = 110 qram, 1 stəkan dənəvər şəkər = 200 qram, 1 stəkan yağ = 240 millilitr (süd, su kimi mayelər üçün də keçərlidir), 1 xörək qaşığı un = 9 qram.
Sobanı əvvəlcədən qızdırdığınızdan əmin olun:
Keksi bişirəndə deyil, xəmiri hazırlayarkən sobanı əvvəlcədən qızdırmağa başlayın. Sobanı 10 dəqiqə tez qızdırmaq keksin hər tərəfdən bərabər bişməsini təmin edəcək. Beləliklə, bir tərəfi çox yaxşı bişərkən, digəri çiy qalmır.
Şəkər və yumurtanı çox yaxşı qarışdırın:
Keks reseptlərinin ilk addımı adətən yumurta və şəkərin çırpılması ilə başlayır. Bu prosesi mikserlə tətbiq etmək vaxta və enerjiyə qənaət edir. Şəkər həll olunana qədər yumurta ilə qarışdırılır və keksin aşağıdakı addımlarında şəkər əlavə etməyin.
Unu ələkdən keçirin:
Tort hazırlamaqda istifadə edəcəyiniz un, nişasta və qabartma tozu kimi qatı inqrediyentləri ələkdən keçirdiyinizə əmin olun. Bu yolla, topaqların əmələ gəlməsinin qarşısını ala və keksin daha yaxşı qabarmasını təmin edə bilərsiniz.
Qarışığı döyməyin, qarışdırın:
Qatı inqrediyentləri əlavə etdikdən sonra çırpma yerinə spatuladan istifadə edin. Keks qarışığını çırpmaq məsamələrin və topaqların əmələ gəlməsinə səbəb olur. Buna görə də inqrediyentləri bir spatula ilə aşağıdan yuxarıya qarışdırın.
Keksi qəlibdən asanlıqla çıxarmaq üçün un və yağdan istifadə edin:
Əvvəlcə keksi bişirmək üçün istifadə edəcəyiniz qəlibi kərə yağı ilə yağlayın. Sonra qəlibin içərisinə un səpin. Sonra qəlibi tərs çevirin və artıq undan təmizləyin. Bu şəkildə bişmiş keks qəlibdən daha asan çıxacaq. Kvadrat çörək qabı kimi düz qəlibdən istifadə edəcəksiniz, yağlı kağızdan istifadə daha faydalı olacaq.
Küldan testini həyata keçirin:
Keks bişirərkən sobanın qapısını daim açmayın. Bu proses temperaturun dəyişməsinə səbəb olur. Tortun bişib-bişmədiyini yoxlamaq üçün bıçaq və çəngəl yerinə diş çöpündən istifadə edin.
Otaq temperaturunda saxlayın:
Bişirdikdən sonra keksi sobadan çıxarın və 2 dəqiqə gözləyin. İlk isti temperaturu çıxandan sonra keksi qəlibdən çıxarın və otaq temperaturunda 15 dəqiqə saxlayın. Tort soyumağa başlayanda dilimləyib süfrəyə verə bilərsiniz.
Mənbə: Lezzet
Tərcümə etdi: Nuran Əhmədzadə
