Heç göyə baxıb səmanın niyə mavi olduğunu düşünmüsünüzmü? Bu sual əsrlər boyu alimləri və insanları maraqlandırıb.
Günəş işığı yer atmosferinə daxil olduqda hava molekulları ilə toqquşur. Bu toqquşmalar işığın hər tərəfə səpilməsinə səbəb olur. Səmanın mavi rəngi mavi və bənövşəyi kimi daha qısa dalğa uzunluqlu işığın səpilməsi nəticəsində yaranır. Spektrdəki digər rənglər də səpələnmişdir, lakin onların dalğa uzunluqları daha uzundur və daha az güclü şəkildə səpələnirlər.
Atmosferdə işığın səpilməsi qeyri-bərabərdir. Səpilmənin gücü günəş şüalarının düşmə bucağından, atmosferin sıxlığından, rütubətin miqdarından və havanın çirklənməsindən asılıdır. Buna görə də günün müxtəlif vaxtlarında və ya dünyanın müxtəlif yerlərində səmanın müxtəlif mavi çalarları görünə bilər.
Yüksək hündürlüklərdə atmosfer daha incə olur və günəş işığını səpmək üçün daha az hava var. Nəticədə, səma daha tünd görünür və hətta bənövşəyi kimi fərqli bir rəng ala bilər.
Mavi səma çox vaxt xoşbəxtlik və sakitlik hissləri ilə əlaqələndirilir. Tədqiqatlar göstərdi ki, mavi işığa məruz qalma beyində serotonin səviyyəsini artıra bilər ki, bu da əhval-ruhiyyəni və koqnitiv funksiyanı yaxşılaşdıra bilər. Buna görə mavi işıq terapiyası tez-tez mövsümi affektiv pozğunluq və digər əhval pozğunluqlarını müalicə etmək üçün istifadə olunur.
Mənbə: futurenow.com.ua
Tərcümə etdi: Səmayə Qədirova
