Göyə baxanda uçan quş sürüsü ilə rastlaşanda, yəqin ki, onların düzülüb “V” şəklində uçduğunu görmüsünüz. Bu vəziyyəti görən insanlar ümumi fikrin əksinə olaraq məqsədlərinin yalnız liderlərinə tabe olmaq olduğunu düşünsələr də, belə deyil. Quşların niyə "V" şəklində uçduğunu birlikdə öyrənək.
V formasında düzülmək onların hər birinə irəlidə aydın görünüş verir. Ancaq V şəklində uçan quş sürüsünün bu uçuşla meydana gəlməsinin daha təsirli və möcüzəli bir səbəbi var. V şəklində uçan quşların əsas məqsədi enerjiyə qənaət etməkdir. Bu uçuş formalaşması onların enerji səmərəliliyini artırır. Quşlar miqrasiya edərkən və ya yemək tapmaq üçün səfərlər edərkən V-formasında uçmağa meyillidirlər. Adətən, qabağındakı quş yol göstərir. Sürüdəki digər quşlar arxada, sağda və solda düzülür. Onlar göydə V formasını əmələ gətirirlər. Quşlar, ümumiyyətlə, V-formasiyasında, J-formasiyasında, tərs çevrilmiş V-formasiyasında və ya tərs J-formasiyasında uçurlar. Quşların bu xətti formalaşmalarına Skein Formasiyası deyilir. Elm adamları V-nin arxasındakı quşların ürək döyüntülərinin daha yavaş olduğunu və qanadlarını daha az çırpdıqlarını aşkar ediblər. Bu uçuş formalaşması havada kiçik bir burulğan yaradır. Qabaqdakı quş qanadlarını çırpdıqda arxadakı hava birbaşa aşağıya doğru itilir. Bu təzyiq fərqi yaradır. Buna görə də qanadların altındakı hava qanadların üstündəki havadan daha yüksək təzyiqə malikdir. Hava yüksək təzyiq sahəsindən aşağı təzyiq sahəsinə yuxarıya doğru hərəkət edir. Bu təzyiq fərqi başqa bir quşun yuxarı axınında olan bir quşun uçmaq üçün daha az enerji sərf etməsinə imkan verir.
Mənbə: bilimup.com
Tərcümə etdi: Uğur Hacıyev
