"Chanel" 1909-cu ildə Parisdə Coco Chanel tərəfindən qurulmuş Fransız lüks moda evidir. O fəaliyyətə başladığı gündən bəri ən tanınmış brendlərdən birinə çevrildi. Ən yaxşı materiallardan hazırlanmış, yüksək keyfiyyətli dizayner çantaları, aksessuarlar, geyimlər və daha çox şeylər yaratmağa cavabdehdir.
Əfsanənin özü - Coco Chanel
Coco Chanel 19 avqust 1883-cü ildə Fransanın Saumur şəhərində anadan olub. Anasının ölümündən sonra atasının onu böyüdə bilməməsi səbəbindən uşaq evində tərbiyə alıb. Coco tikiş tikməyi məhz uşaq evində öyrənib. Əsas moda evini açmazdan əvvəl Chanel qısa müddət ərzində imza atıcısı kimi fəaliyyət göstərmişdi. Müğənni olduğu dövrdə o, "Coco" ləqəbini aldı - orijinal adı Gabriel Bonheur Chanel idi.
Coco Chanel əsrin orta qadını deyildi. O, qadın moda sənayesində inqilab etdi - rahatlığı istək deyil, zərurət etdi və dizaynlarına kişi təsirlərini daxil etdi. O, vaxtını qabaqlayırdı və bunu onun hər bir dizaynında görə bilərsiniz.
Coco Chanel qadın modasına rahatlıq gətirməkdə qabaqcıl idi. Chanel-in bunu ilk və əsas yolu Chanel kostyumu idi. Chanel kostyumu 1925-ci ildə buraxılıb. Kostyumda rəngsiz gödəkçə və əyilmiş yubka var idi. Chanel kostyumu gündəlik qadın geyiminin məhdudiyyətlərinə qarşı mübarizə aparırdı.
"Kiçik Qara Paltar"
Rahatlığa verdiyi vurğu əsasında Coco Chanel 1926-cı ildə ilk Kiçik Qara Paltarı dizayn etdi. Bu, rahat, lakin istənilən şərait üçün mükəmməl olan innovativ dizayn idi. O həmin vaxtlar, əsasən, yas ilə əlaqəli olan qara rəngdə tamamilə inqilab etdi.
Sənətkarlığa hörmət və sənətkarlığın qorunması
2002-ci ildən Chanel hər il Métiers d'art kolleksiyası ilə dəb sənətinin ustadlarına hörmət edir. Hər dəfə yüzlərlə tikməçini, zərgəri, lələk ustasını, plitəçini, çəkməçini, çiçək ustasını, dəyirmançını, əlcək ustasını, papaqçını, dəri ustasını və başqalarını bir araya gətirir. Bu kolleksiya təkcə bu sənətkarları qeyd etmir, həm də bütövlükdə savoir-faire-i qeyd edir.
Mənbə: Luxury Shops
Tərcümə etdi: Nəzrin Süleymanova
