RMS Titanic 1912-ci il aprelin 15-də səhər tezdən şimali Atlantik Okeanında, Sauthemptondan Nyu-Yorka ilk səyahətindən dörd gün sonra batdı. O dövrdə xidmətdə olan ən böyük okean layneri Titanik 14 aprel 1912-ci il bazar günü saat 23:40 radələrində aysberqə toqquşduqda göyərtəsində təxminən 2224 nəfərin olduğu təxmin edilir. Gəmi təxminən 2 saat 40 dəqiqə sonra batmışdır. Bu hadisə 1500-dən çox insanın ölümü ilə nəticələnmişdir və tarixin ən ölümcül dəniz fəlakətlərindən birinə çevrilmişdir.
Titanik aprelin 14-də altı dəfə aysberq xəbərdarlığı aldı, lakin aysberq görüldükdə o, təxminən, 22 knot (41 km/saat) sürətlə hərəkət edirdi. Buna görə də kifayət qədər tez dönə bilməyən gəmi, sancaq tərəfini bükən və on altı bölməsindən altısını dənizə açan bir zərbə aldı. Titanikin ön bölmələrinin dördü su altında qaldı. Sərnişinlər xilasedici qayıqlara mindirilərkən yardım cəlb etmək üçün qəza məşəllərindən və radio (simsiz) mesajlarından istifadə edirdi.
Titanik mindən çox sərnişin və ekipaj üzvləri ilə birlikdə batdı. Dənizə tullanan və ya düşənlərin demək olar ki, hamısı soyuq şokun təsirindən və əlillikdən bir neçə dəqiqə ərzində boğuldu və ya öldü. RMS Carpathia Gəmi batdıqdan 1-2 saat sonra gəldi və toqquşmadan təxminən 9 saat sonra 710 nəfərin hamısını xilas etdi.
Fəlakət dünyanı şoka saldı və xilasedici qayıqların olmaması, qaydaların zəif olması və evakuasiya zamanı üçüncü dərəcəli sərnişinlərlə qeyri-bərabər rəftar geniş etirazlara səbəb oldu.
Mənbə: Wikipedia
Tərcümə etdi: Aminə Paşazadə
