Bəzi aksessuarlar bütün dövrlərdə dəbdədir. İllər keçsə də, bu aksessuarlar bəyənilir. Onlar sizi daha dəbli və zövqlü göstərəcək.
Qaşlı və zəncirli kəmər
Bu tip kəmərlər bütün gözləri üzərinizə çəkəcək. Parıltıları ilə şalvardan ətəyə qədər hər şeyə fərqli bir atmosfer qatacaq.
Çantanıza bağlamaq üçün şərf
Çantanıza bağladığınız yüngül parça və ya ipəkdən hazırlanmış şərf sizi qəşəng etməklə yanaşı, həm də yaradıcı göstərəcək.
Üst-üstə taxılan bilərziklər
Son zamanlar zərgərlik məmulatlarının çoxu qat-qat və müxtəlif rənglərdə taxılır. Siz həmçinin sadə kombinasiya yarada və bilərziklərinizi gözə çarpan parça kimi seçə bilərsiniz.
Günəş eynəyi
Hər fəsildə taxa biləcəyiniz gün eynəkləri havanızı dəyişərkən göz sağlamlığınızı qoruyacaq.
Süni dəri şərf
Son zamanlar şərflərdə ən çox üstünlük verilən parça olan süni dəri idman və dəbli kombinasiyaları çox gözəl müşayiət edir.
Broş
Gödəkçələr, sviterlər, paltolar və köynəklərinizdə şəkildəki kimi əyləncəli broşlardan istifadə edə bilərsiniz. Bu hətta sadə geyimi də fərqləndirməyə kömək edəcək.
Çantalı kəmər
Bel çantalarının kəmər formalarından sonra çantalar kəmərlərlə birləşməyə başladı. İş o yerə çatıb ki, bir çox mağazalarda çantalı kəmərlər satılmağa başlayıb.
Fransız şapka
Fransız papaqları təsirini heç vaxt itirməyən parçalardandır. Xüsusilə, payızdan qışa keçiddə istifadə üçün idealdır.
Daş detallı zəncir boyunbağı
Zəncirli boyunbağıları sevirsinizsə, rəngli daşla birləşməsini daha çox sevəcəksiniz. Şəkildəki kimi düz ağ köynək və ya ağ əsaslı köynəklərə çox gözəl bir atmosfer qatacağından əminik.
Mənbə: Habertürk
Tərcümə etdi: Samirə İsmayılova
