1564-cü ildə anadan olan Uilyam Şekspir, şübhəsiz ki, dünyanın ən böyük yazıçılarından biri hesab olunur. Şekspir müxtəlif janrlarda əsərlər yaratmışdır və yüzdən çox əsərin sahibidir. İngilis dilinə böyük töhfələr verən ingilis yazıçısı sağlığında insanların hörmət və sevgisini qazansa da, bir çox yazıçılar kimi o da daha çox ölümündən sonra hörmət və sevgi qazanmış bir ustaddır.
Otello beş pərdədən ibarət bir faciədir və çox müxtəlif mövzulardan bəhs edir. Bu mövzulardan bəziləri irqçilik, sevgi, qısqanclıq, xəyanət və əxlaqdır. Əsərdə çoxlu obrazlar var və onların hər biri çox xarakterik xüsusiyyətlərə malikdir. Əsərin qəhrəmanı Otello qaradərili komandirdir və işini çox gözəl görür. İao əsərin canisidir, demək olar ki, bütün hadisələr İaqonun ətrafında cərəyan edir. Qəlbi kin və nifrətlə dolu olan amansız, ikiüzlü bir insandır. İaqo həm də Otellonun çavuşudur, lakin o, həm də Otelloya qarşı düşmənçilik bəsləyir, çünki onun əvəzinə Kassio adlı bir adamı öz əmiri etdi. Əsərdə baş verən bütün hadisələrin əsas səbəbi budur. Desdemona Otellonun çox sevdiyi qadındır.
Bu insanlar baş rolları canlandırarkən, Roderiqo adlı sadəlövh adam İaqonun arvadı Emiliya və Otellonun köməkçisinə aşiq olan Bianka əsərin yan personajlarındandır. Əsər Otello və Desdemonanın bir-birini sevməsi hekayəsi ilə başlayır. Amma Desdemonanın atası Brabantio çox irqçi bir insandır və qızının qaradərili ilə evlənməsini istəmir. Qızı dəfələrlə Otellonu sevdiyini bildirsə də, Brabantio qızının evlənməsini istəmir və bu səbəbdən Desdemona sevdiyi kişinin yanına qaçır və onlar evlənirlər. Qızın qaçdığı gecə, hadisənin şahidi olan bir neçə nəfər vəziyyəti dərhal Brabantioya etiraf edir və Brabantio qızını tapan kimi o, qaradərili kişi ilə evləndiyi üçün ondan imtina etdiyini söyləyir.
Sonrakı günlərdə Osmanlı-Venesiya müharibəsi başlayır və Otello və Desdemona Kiprə getməli olurlar. Amma dənizdə o qədər fırtına var ki, gəmilər Kiprə çatmaqda çətinlik çəkirlər. Desdemona, Kassio, İaqo və həyat yoldaşı Emiliya quruya ilk çatsalar da, Otellonun gəldiyi gəmini səbirsizliklə gözləyirlər. Kassio ərinin başına pis bir şey gələ biləcəyini düşünən Desdemonaya təsəlli verir. Bu mənzərəni görən və artıq fürsət gözləyən İaqonun ağlına çox pis planlar gəlir. Nəhayət, Otello Kiprə çatır, lakin şiddətli fırtınadan gəmiləri zədələnən Osmanlılar müharibəyə başlamır.
İaqonun Roderiqo sadəlövh bir dostu var idi. Bu adam Otellonun arvadı Desdemonaya qarşılıqsız aşiq olur. İaqo daim Desdemona ilə görüşmək vədləri ilə bu adamın fikrini yayındırır və pulunu mənimsəyir. O, Otellonu gözləyərkən qurduğu planları dərhal həyata keçirir və Roderiqoya Kassionun Dezdemonaya aşiq olduğunu bildirir. Bu vəziyyətlə üzləşən onlar birləşməyə qərar verirlər və Kassio adyutant vəzifəsindən azad edilir ki, bu da hər ikisinin xeyrinə olacaq. Bir gecə Roderiqo tərəfindən Kassioya qarş yaradılan bir dava başlayır və onun planları gerçəkləşir. Otello Kassionu öz ordusundan qovdu. Digər tərəfdən, Kassioya dost kimi yanaşan İaqo ona Otellonun arvadı Desdemonanın bağışlayıcı olduğunu və onun yenidən adyutantlığa qayıtması ilə bağlı əri ilə danışmasını istəməli olduğunu söyləyir. Bu fikri ağıllı tapan Kassio mümkün qədər tez Desdemona ilə danışmağa gedir. İaqonun planları bir-bir işə düşür və İaqo bundan xoşbəxt olur.
Onun növbəti planı əslində özünü bağışlamağa çalışan Kassionun Desdemona aşiq olduğunu iddia edib və Otelloya hər şeyi danışmaqdır. Yenə də hər şey yaxşı gedir və İaqo bir-bir Otelloya hər şeyi izah edir. Həyat yoldaşına çox aşiq olan Otello əvvəlcə İaqoya inanmır və hər dəfə ondan dəlil istəyir. İaqo Otelloya inanacaq bir şey təklif etmək üçün əlindən gələni edir. Arvadını sevsə də, aldadılmağa dözə bilmir və bir gecə Desdemonanı öz yatağında boğaraq öldürür. Həmin gecə bütün cəhənnəm boşalır və İaqonun örtüyü üzə çıxır. Sevgilisini haqsız yerə öldürdüyünü başa düşən Otello pərişan olur. İaqoya dərhal işgəncə verilməsini və öldürülməsini əmr edir. O, bu sözləri dedikdən sonra özünü bıçaqlayaraq öldürür.
Mənbə: Kitap.yazarokur
Tərcümə etdi: Fatimə Mustafayeva
