Dünyanın müxtəlif coğrafiyalarında masa qaydalarını bilirsinizmi? Bəzi qaydalar türk mədəniyyətinə bənzədiyi halda, bəziləri bizə olduqca yaddır. Hər bir ölkənin özünəməxsus xüsusiyyətləri, adət-ənənələri və mədəniyyətləri var. Üstəlik, bu xüsusiyyətlər təkcə ümumi həyatı deyil, həm də kulinariya mədəniyyətini təmsil edir. Məsələn, bəzi ölkələrdə yemək yeyərkən əllərdən istifadə etmək kobudluq sayılır, bəzi ölkələrdə isə yaşlılar süfrəyə oturana qədər yeməyə başlamırlar. Fərqli coğrafiyalarda maraqlı masa qaydaları bunlardır:
Cənubi Koreya: Əvvəlcə, qocaları gözləmək lazımdır.
Bu qayda, əslində, türk mətbəxinə bənzəyir. Cənubi Koreyada süfrədəki ən yaşlı adam yeməyə başlamazdan əvvəl yeməyə başlamağınız çox kobud sayılır. Bundan başqa, sizə verilən boşqabın bir əllə alınması xoş qarşılanmır.
Tayland: Hesabı atın və çubuqları kənara qoyun.
Taylandda bir qrup olaraq şam yeməyinə çıxsanız, aranızdakı ən zəngin adamın hesabı ödəməsinə icazə verilir. Ortada tək boşqabdan yemək yeyirsinizsə, son loxmanı yeməyə çalışmayın. Çap çubuqlarını qabda buraxmaq da xoşagələn deyil.
Afrika ölkələri: Sol əlinizlə yemək yeməyin.
Dünyanın bir çox yerlərində hansı əllə yeməyin əhəmiyyəti yoxdur. Ancaq Hindistanda və bəzi Afrika ölkələrində yemək yeyərkən sağ əlinizdən istifadə etməlisiniz.
Yaponiya: İçkiləri özünüz tökməyin.
Əgər sizi Yaponiyaya yeməyə dəvət edirlərsə, yeməyinizi istədiyiniz kimi yeyə bilərsiniz. Bu, yeməyin təqdir edildiyinə işarə hesab olunur. Ancaq içkiləri öz stəkanına tökmək hörmətsizlik sayılır.
Meksika: "Bon appetit" deyilməsini gözləyin.
Meksikada bir evə dəvət olunsanız və ya restorana getsəniz, ev sahibinin Bon Appétit deməsini gözləyin. Həmçinin, kimsə ilə şam yeməyinə razılaşmısınızsa, gecikməmək çox vacibdir.
Qazaxıstan: Kasalar yarı doludur.
Qazaxıstan mətbəxində çay içmək olduqca məşhurdur. Buna görə də çay içmək üçün çoxlu qaydalar var. Əgər sizi evə dəvət edirlərsə, qonaqların fincanlarının yarı dolu olduğunu unutmayın. Kasalar tamamilə dolduqda, ev sahibi qonaqlarının getməsini istəyir.
Çili: Qadınların oturmasını gözləyin.
Çilidə yemək yeyərkən qadınların kişilərdən əvvəl oturmasını gözləyin. Həmçinin, əlinizdə bıçaqla danışmayın.
İspaniya: Uzun müddət yemək yeməyin.
Türk mətbəxində qurulan süfrələrdə uzun saatlar oturmağı çox sevirik. Əvvəlcə başlayanlar, sonra əsas yeməklər və ən sonda desertlə doyunca yeməkdən, sevdiklərimizlə söhbət etməkdən həzz alırıq. Ancaq bu, İspaniyada tətbiq edilmir. İspaniyada yeməklər çox vaxt qısa saxlanılır. Buna görə tapas kimi qəlyanaltılar çox populyardır.
Almaniya: Kartofu bıçaqla kəsməyin.
Almaniyada kartofun bıçaqla kəsilməsi kartofun yaxşı bişməməsi deməkdir və bişirən şəxsə hörmətsizlik sayılır.
Çin: Yeməyi boşqabda bitirməyin.
Türk mətbəxində boşqabda hər son tikə yemək yeməyi nə qədər bəyəndiyiniz deməkdir. Ancaq Çin mətbəxində ev sahibinə təşəkkür etmək üçün son tikə boşqabda qalır. Bunun səbəbi ev sahibinin qonağına kifayət qədər yemək təklif etdiyini göstərməkdir.
Avstraliya: İşdən danışma.
Əslində Avstraliya masa arxasında yemək və naharın sərt qaydalarla məhdudlaşdırıldığı ölkə deyil. Bununla belə, yemək yeyərkən işdən danışmamağa əlavə diqqət yetirilir.
Cənubi Afrika: İnsanların gözünün içinə baxmayın.
Cənubi Afrikada yemək yeyərkən, hətta danışarkən belə, digər insanla göz təması qurmamağa çalışın. Həmçinin əgər sizi evə dəvət edirlərsə, kiçik də olsa, hədiyyə almağa çalışın.
Mənbə: Lezzet
Tərcümə etdi: Nuran Əhmədzadə
