ABŞ-nin cənub ştatlarında “Isaias” qasırğasının təsirləri davam edir. Təbii fəlakət nəticəsində 2 nəfər həyatını itirib, 800 mindən çox insan isə elektriksiz qalıb.
24media.az TRT HABER -ə istinadən xəbər verir ki, meteoroloqlar qasırğanın dünən gecə Floridanın Destin şəhəri yaxınlığında saatda təxminən 170 kilometr sürətlə quruya çatdığını bildiriblər. İkinci kateqoriyalı qasırğa daha sonra Alabama istiqamətində irəliləyərək sürətini itirib və tropiksonrakı siklona çevrilib.
Yerli rəsmilərin məlumatına görə, “Isaias” qasırğası Corciya ştatı da daxil olmaqla, bir neçə ştatda 800 mindən çox insanın elektrik enerjisiz qalmasına səbəb olub. Cefferson qraflığının Fövqəladə Hallar İdarəetmə Agentliyinin məlumatına əsasən, Alabama ştatının Birmingem şəhərində ağacın yaşayış evinin üzərinə aşması nəticəsində bir nəfər ölüb. Floridanın Eskambiya bölgəsində də oxşar hadisə nəticəsində bir nəfərin həyatını itirdiyi təsdiqlənib. Meteoroloqlar bəzi ərazilərdə yağıntının 38 santimetrə qədər çata biləcəyi barədə xəbərdarlıq ediblər.
Həmçinin tornado, güclü külək və intensiv yağış təhlükəsinin olduğu bildirilib.Yerli rəsmilər mümkün daşqınlar və tornadolarla bağlı sakinləri ehtiyatlı olmağa, təhlükəsizlik tədbirlərinə əməl etməyə çağırıblar.
ABŞ-də 2024-cü ilin oktyabrında baş verən “Milton” qasırğasından sonra, məqalədə qeyd olunduğu kimi, təxminən iki il ərzində quruya çatan qasırğa qeydə alınmamışdı.
Fidan Mənsimova
