Demək olar ki, hər kəs hisslərini zaman-zaman gizlədir.
Təsadüfi emosional basdırma sağlam, məhsuldar yollarla işlədiyiniz müddətcə problem yaratmayacaq. Bununla belə, bir nümunəyə çevrilərsə və həqiqi ünsiyyət qurma qabiliyyətinizə təsir edərsə, problem ola bilər. Məsələn, partnyorunuz bir ailə yığıncağında bir şey açıqlayır, onlardan gizli qalmasını xahiş edirsiniz. Əsəbləşirsən və utanırsan, amma tək edə biləcəyin evə çatana qədər hər şey yaxşımış kimi davranmaqdır. Geniş ailənizin qarşısında mübahisə etmək və münaqişəni daha da pisləşdirmək istəmirsiniz.
İnsanlar niyə hisslərini gizlədirlər?
Insanlar, ümumiyyətlə, bir neçə əsas səbəbə görə emosiyaları boğmağı öyrənirlər:
"Zəiflik" göstərməmək üçün
Emosiya göstərmək sizi həssas yerə qoya bilər və zəiflikləri başqalarına göstərməkdən çəkinmək çox normaldır. Müəyyən duyğuları ifadə etməyin başqalarının sizi mühakimə etməsinə və hisslərinizi idarə edə bilməyəcəyinizə inanmasına səbəb olacağından narahat ola bilərsiniz. Nəticədə, siz öz kədərinizi, qorxularınızı, məyusluğunuzu və digər sözdə mənfi emosiyalarınızı gizlədirsiniz. Bu hissləri sizə qarşı istifadə edən başqalarının ətrafında da bəzi narahatlıqlarınız ola bilər, xüsusən də, bu, əvvəllər sizinlə baş vermişsə.
Zərər çəkməmək üçün
İnsanlar münasibətlərini qorumaq üçün çox vaxt duyğularını gizlədirlər. Dəyər verdiyiniz biri əsəbi bir şey etdikdə, əsəbiliyinizi gizlətməyi seçə bilərsiniz. Bəli, onların hərəkətləri sizi narahat etdi. Ancaq hisslərinizi onlara bildirdiyiniz zaman mənfi reaksiya versələr, daha da ağrılı bir münaqişəyə səbəb ola bilər. Beləliklə, bunun əvəzinə tamamilə münaqişədən qaçmağı seçirsiniz. Mübahisədən qaçmaq istəyi çox vaxt özünüzə və başqalarına inamsızlıqdan qaynaqlanır. Əgər insanlar keçmişdə sizin duyğularınızı manipulyasiya ediblərsə, hisslərinizlə yeni birinə etibar etməkdən qorxa bilərsiniz. Münaqişəni müsbət və məhsuldar şəkildə idarə etmək bacarığınıza da inamınız olmaya bilər.
Özünə inamsızlıq
Əgər fikirlərinizin və hisslərinizin əhəmiyyəti olmadığı mesajını alaraq böyüsəniz, çox güman ki, kiçik yaşlarınızdan hisslərinizi gizlətməyi öyrənəcəksiniz. Bu, çox vaxt valideynlər və tərbiyəçilər emosiyalarınızı ifadə etdiyiniz üçün sizi mühakimə etdikdə və ya tənqid etdikdə baş verir. Bu mühakimə mənfi emosiyalarla da məhdudlaşmır. Bəzi məhdudlaşdırıcı baxıcılar uşaqları mənfi və ya müsbət hər hansı bir vəziyyətə görə danlayır. Nəhayət, öz fikirlərinizi və hisslərinizi ifadə etməkdə özünüzü təhlükəsiz hiss edə bilməzsiniz, ona görə də əlavə tənqidin qarşısını almaq üçün onları gizlədirsiniz. Öz emosiyalarını maskalayan baxıcılar da sizin də eyni şeyi etməli olduğunuz fikrini gücləndirə bilərlər.
Mənbə: healthline.com
Tərcümə etdi: Məryəm Abdullazadə
