“Fənərbağça” klubunun prezidenti saxlanılıb

24media.az Report-a istinadən xəbər verir ki, Türkiyənin “Fənərbağça” futbol klubunun prezidenti Sadəttin Saran narkotiklə bağlı istintaq çərçivəsində saxlanılıb.

Məlumata görə, İstanbul polisi əldə olunan yeni sübutlar əsasında Sadəttin Saran barəsində saxlanılma tədbiri həyata keçirib. O, narkotik maddələrin əldə edilməsi, istifadəsi və istifadəsinə şərait yaradılması maddələri üzrə aparılan istintaqa cəlb olunub.

Hazırda Sadəttin Saranın ifadəsinin alındığı, daha sonra isə məhkəməyə çıxarılmasının gözlənildiyi bildirilir.

Qeyd edək ki, Sadəttin Saran bu ilin sentyabr ayından etibarən “Fənərbağça” klubunda prezident vəzifəsini icra edirdi.

Səidə Abasova