Özünüzü tez-tez stressli, dinc olmaq üçün çox məşğul hiss edirsiniz? Xaotik bir dünyada dinclik tapmaq bəzən çətin ola bilər.
Daxili sakitlik və ya məmnunluq hissi kimi təsvir edilən dinclik xaosun ortasında belə özünüzü rahat hiss etməyə kömək edə bilər.
Gündəlik həyatda rahat hiss etmək üçün nə etmək lazımdır?
•Gündəlik kiçik stresləri qəbul etməyi bacarın
•Həyatınızdan məmnun olmaq və vəziyyətləri olduğu kimi qəbul etməyə çalışın
•Başınıza gələn hər şeyi idarə edə biləcəyinizə əmin olun
•Başqalarına qarşı empatiyalı olmağa və sağlam münasibətlər qurmağa çalışın
•Xoşbəxtliyiniz üçün başqalarının razılığından asılı olmayın
•Həyata qarşı sakit və pozitiv baxışa sahib olun
Niyə rahatlıq tapa bilmirik?
Psixi sağlamlıq şərtləri:
Depressiya və ya narahatlıq kimi psixi sağlamlıq vəziyyətiniz varsa, özünüzü sakit hiss etmək daha çətin ola bilər.
Çətin vəziyyətlər:
Əgər təbii fəlakətdən sonra işinizi itirmək və ya evinizi itirmək kimi çətin vəziyyətlər yaşayırsınızsa, özünüzü dinc hiss etməkdə çətinlik çəkə bilərsiniz.
Stress və ya narahatlıq:
Bir şey sizi stresə salırsa və ya narahat edirsə, daxili rahatlığı tapmaqda çətinlik çəkə bilərsiniz. Problemi müəyyən etmək, həll etmək üçün addımlar atmaq və ya onu dəyişdirə bilməyəcəyinizi qəbul etmək faydalı ola bilər. Bununla bağlı duyğularınızın fərqində olmaq özünüzü daha dinc hiss etməyə kömək edəcək.
Müstəqil şəkildə nəyinsə öhdəsindən gələ bilməyəcəyinizi hiss edirsinizsə, dəstək üçün psixi sağlamlıq xidmətinə müraciət etmək faydalı ola bilər.
Çox vaxt bizim ən böyük tənqidçimiz başımızda bizə mənfi şeylər söyləyən səsdir. Mənfi fikirlər sizin dincliyinizi oğurlaya və özünüzü rahat və məmnun hiss etməyinizi çətinləşdirə bilər. Mənfi düşüncələri yox etmək üçün onlara meydan oxumaq lazımdır.
Mənbə: Verywellmind
Tərcümə etdi: Gülay Orucova
