Mütəxəssislər deyirlər ki, yataq böcəkləri artıq geniş yayılaraq şəhər həyatına daxil olan ilk növ ola bilər. Onlar ictimai nəqliyyatda, otellərdə, evlərdə sürətlə yayılır və şəhər üçün təhlükə yaradır.
İstanbul Universitetindən Prof. Dr. Zeynep Akar deyir ki, bu il yataq böcəkləri əvvəlkindən fərqli olaraq daha tez və geniş yayılıb: "Adətən yayda artardılar, amma bu il artıq apreldə çox sayda xəbər gəldi. Bu da onların şəhərə yayılan ilk geniş böcək növü olduğunu göstərir, "- deyə o bildirib.
İstanbul Valiliyi məlumatlandırma kampaniyasına başladığını bildirib. Kampaniyada evlərin təmizliyi, ikinci əl əşya alarkən ehtiyat tədbirləri və zərərvericilərlə mübarizə xidmətləri barədə məlumat verilir.
Səyahət və miqrasiya böyük təsirə malikdir
Ehtimal olunur ki, şəhərdaxili və şəhərlərarası səyahətlərin artması yataq böcəklərinin yayılmasında böyük rol oynayır. İqlim dəyişikliyinin bu zərərvericilərin daha isti və rütubətli mühitlərdə çoxalmasına səbəb olduğu da vurğulanır.
Camaat nə etməlidir?
Mütəxəssislər evdə kiçik qırmızımtıl ləkələr, dərilərində qaşınma izləri və ya mebel arasında hərəkət edən kiçik həşəratlar görən vətəndaşlara zərərvericilərlə mübarizə üzrə peşəkar qruplara müraciət etməyi tövsiyə edir. Öz-özünə həyata keçirilən müdaxilələrin adətən qeyri-kafi olduğu vurğulanır.
Mənbə: Evrim ağacı
Tərcümə etdi: Dilbər Paşazadə
