Yeni araşdırmalara görə, inkişaf etmiş ölkələrin supermarketlərində satılan balıqların əksəriyyəti, əslində, yoxsul və balıqçılıqla dolanan ölkələrdən ixrac olunur. Mütəxəssislər bildirir ki, bu vəziyyət həmin ölkələrdəki yerli əhalinin balıqla qidalanma imkanlarını azaldır və qida təhlükəsizliyini təhdid edir.
Məsələn, Afrikanın qərb sahillərində yaşayan balıqçılar gündəlik ovladıqları balığın böyük hissəsini Avropa və Şimali Amerikaya ixrac etməyə məcbur qalırlar. Bu isə yerli bazarda balıqların qiymətinin qalxmasına, insanların əsas protein mənbəyindən uzaqlaşmasına səbəb olur.
Alimlər bu vəziyyəti “qida imperializmi” kimi qiymətləndirir və beynəlxalq ictimaiyyəti daha ədalətli ticarət sistemləri yaratmağa çağırırlar.
Mənbə: Today.com
Tərcümə etdi: Aysel Şıxməmmədova
