Absen adlı içkinin ağıl pozğunluğuna səbəb olduğu şayiələrinə görə qadağan edilməsindən sonra sadə bir içki olan pastis Fransanın ən çox sevilən içkisinə çevrilib.
Fransanı aperitif saatı olmadan təsəvvür etmək çətindir. Bu xüsusi anda hər kəs əlində bir içki ilə vaxtını dayanmış kimi hiss edir. Fransanın müxtəlif bölgələrində fərqli aperitif içkilər olsa da (Burgundy-də cassis-ətirli kir, Belçika sərhədində pivə və Marseldə anason ətirli pastis) pastis ölkənin hər yerində populyardır.
Pastisin məşhurlaşmasında Marseillais Paul Ricardın marketinq bacarığı mühüm rol oynayıb. Əgər 1915-ci ildə absen qadağan edilməsəydi, pastis bəlkə də heç yaranmazdı.
Absen və pastisin fərqi
Absen 19-cu əsrdə ölkənin üzüm bağlarını məhv edən filoksera epidemiyasından sonra məşhur olub. Lakin onun zərərləri haqqında şayiələr səbəbindən 1915-ci ildə qadağan edilib. Absen ilə pastis arasında əsas fərq onların hazırlanma üsulu və alkoqol tərkibindədir. Absen daha kompleks dad profili təqdim edərkən, pastis şirin və sadədir.
Pastisin sadə hazırlanma qaydası onun daha populyar olmasına səbəb olub. Absen “dəli sənətçilərin içkisi” kimi tanınsa da, pastis daha mülayim qəbul edilib.
Ricard və pastisin hekayəsi
Pastis sifariş edərkən ən çox Ricard adlı brend ilə qarşılaşılır. Paul Ricard öz içkisini ilk dəfə 1932-ci ildə satışa çıxarıb və onun məşhur olmasında marketinq bacarığı böyük rol oynayıb.
Aperitif saatı
Fransada aperitif saatı adətən 18:00-dan 19:30-a qədər davam edir. Bu vaxt insanlar kafelərdə içki içib söhbət edirlər. Aperitif içkisi pastis adətən su ilə qarışdırılaraq içilir.
Pastisin simvolikası
Pastisin populyarlığı sadəcə dadında deyil, onun yaratdığı mənzərə ilə bağlıdır: günəş, tətil, Aralıq dənizi və birlik. Məhz bu xüsusiyyətlər pastisi Fransanın həyat tərinə çevirib.
Mənbə: BBC News
Tərcümə etdi: Nigar Muştaqova
