Son zamanlarda "Advances In Motivation Science" jurnalında nəşr olunan yeni məqalə insanların başqaları tərəfindən qəbul olunma ehtiyacını elmi kontekstdə ələ alır. Psixoloq Mark Leary və komandası, 30 ildən çox müddətdə apardıqları tədqiqatlarla qəbul və rədd edilmə mövzusunda müxtəlif araşdırmalar həyata keçirib.
Leary qeyd edir ki, rədd edilmə güclü mənfi emosiyalara səbəb olur, amma bu vəziyyətdə insanların "inciklik" dediyimiz hissləri çox vaxt nəzərə alınmayıb. Onun tədqiqatlarına görə, insanların hissləri əsasən bu altı vəziyyətdən təsirlənir:
1. Tənqid
2. Xəyanət
3. Aktiv uzaqlaşma (məsələn, romantik əlaqənin sonlanması)
4. Passiv uzaqlaşma (qəbul edilməmək)
5. Qiymətləndirilməmək
6. Lağa qoyulmaq
Leary vurğulayır ki, "inciklik" rədd edilmənin əsas emosiyasıdır. İnsanlar çox vaxt rədd edilməmiş olsalar belə, özlərini rədd edilmiş kimi hiss edə bilərlər. Məsələn, romantik partnyorlarımız bizi qəbul etsələr də, bəzi vəziyyətlərdə təsadüfən bizdə rədd edilmə hissi oyada bilərlər.
Leary-yə görə, qəbul edilmə hissini artırmağın üç yolu var:
1. Əhəmiyyətsiz insanların mənfi reaksiyalarını gözardı etmək
2. Yüksək dəyər verəcəyimiz insanlarla əlaqə qurmaq
3. Lazım gəldikdə, başqalarının bizimlə əlaqədə olma dərəcəsini artıracaq dəyişikliklər etmək
Bu tövsiyələrə əməl etməklə, insanlar qəbul olunma hissini artırıb rədd edilmə ilə daha yaxşı başa çıxa bilərlər.
Mənbə :psychology today
Tərcümə edən: Fatimə Cabbarlı
