Musiqi dünyasında heyrətamiz bir rekord qeydə alınıb. Dünyanın ən uzun konserti tam 453 saat davam edərək tarixə keçib. Bu möhtəşəm konsert musiqi sevərlərə unudulmaz anlar yaşadıb və sənət dünyasında yeni bir zirvə yaradıb.
Konsert Almaniyanın Halberstadt şəhərində “John Cage’s Organ²/ASLSP (As Slow as Possible)” əsəri çərçivəsində keçirilib. Konsert zamanı əsərin ifası mümkün qədər yavaş tempdə davam etdirilib və bu, dinləyicilər üçün maraqlı bir təcrübə yaradıb. Layihə 2001-ci ildə başlayıb və əsər 639 il ərzində tamamlanmaq üçün tərtib olunub.
Bu konsertin qeyri-adi bir xüsusiyyəti isə əsərin dəyişikliklərinin (not keçidlərinin) yalnız illər sonra baş verməsidir. Hər bir nota illərlə ifa olunur və bu, musiqi tarixində tamamilə bənzərsiz bir yanaşmadır.
Halberstadt şəhərindəki St. Burchardi kilsəsində davam edən bu konsert musiqinin zaman anlayışına yeni bir perspektiv qatıb. Dünyanın hər yerindən gələn turistlər və musiqisevərlər bu qeyri-adi təcrübənin bir parçası olmaq üçün kilsəni ziyarət edirlər.
Mənbə: Today.com
Tərcümə etdi: Aysel Şıxməmmədova
