Zaman səyahəti elmi-fantastik əsərlərdə tez-tez müzakirə edilən və elm adamları tərəfindən nəzəri səviyyədə düşünülmüş bir mövzudur. Fizikada, xüsusən də Eynşteynin nisbilik nəzəriyyəsində, gələcəyə səyahətin nəzəri cəhətdən mümkün olduğu görünür.
Nisbilik nəzəriyyəsi və zamanda səyahət
Eynşteynin Xüsusi Nisbilik Nəzəriyyəsinə görə, işıq sürətinə yaxın hərəkət edən cisimlərdə zaman daha yavaş keçir. Bu, nəzəri olaraq gələcəyə səyahət etməyi mümkün edə bilər. Məşhur Əkizlər Paradoksu isə göstərir ki, işıq sürətinə yaxın bir sürətlə səyahət edən insan, yer üzündə qalan əkizindən daha gec qocalacaq.
Başqa bir nəzəri yanaşma "qurd dəlikləri" ilə bağlıdır. "Qurd dəlikləri" kainatın müxtəlif nöqtələrini birləşdirən məkan-zaman tunelləri kimi təsəvvür edilir. Əgər bu tunellər həqiqətən mövcuddursa və sabitləşdirilə bilsə, insan onların vasitəsilə həm keçmişə, həm də gələcəyə səyahət edə bilər.
Praktikada mümkündürmü?
Gələcəyə səyahət nəzəri baxımdan mümkün olsa da, bunu reallaşdırmaq üçün tələb olunan texnologiya və enerji resursları hələ də əlçatmazdır. Bundan əlavə, zaman səyahəti ilə bağlı paradokslar və etik problemlər də hələlik cavabsız qalan mühüm məsələlərdəndir.
Alimlər zaman və məkan anlayışlarını daha yaxşı başa düşmək üçün araşdırmalarını davam etdirdikcə, gələcəkdə bu sahədə daha dəqiq və praktiki addımlar atıla bilər. Zamanda səyahət, həm elmi, həm də fəlsəfi baxımdan, bəşəriyyət üçün maraq doğuran və müzakirə mövzusu olaraq qalmağa davam edəcək.
Mənbə: Fikrimucit
Tərcümə etdi: Səidə Əsədli
