İslandiyada yeni aşkar edilmiş qəsəbə vikinqlərin xronologiyasını yenidən yazır. Arxeoloqlar bunun indiyə qədər tapılan ən qədim və ən zəngin vikinq məskəni olduğunu bildiriblər.
Tədqiqatçılar İslandiyada 2 Vikinq evinin tapılmasına məəttəl qalıblar. Ən təəccüblü odur ki, tikililərdən birinin təxmini yaşı ölkədə vikinqlərin məskunlaşma tarixi ilə bağlı əvvəlki təxminlərdən də geriyə gedir.
Arxeoloqların fikrincə, kiçik evin uzunluğu təxminən 130 fut və eni 20 fut idi. Təxminən eramızın 874-cü ilinə aiddir, bu da tədqiqatçıların vikinqlərin İslandiyada məskunlaşdığına inandıqları vaxta aiddir. Burada qəribə heç nə yoxdur, lakin araşdırmalar davam edərkən tikilinin daha dərin qatlarında köhnə evlər aşkarlanıb. Bu evlərin tikilmə tarixinin eramızın 800-cü ilindən onilliklər əvvəl olduğu ortaya çıxıb.
Reykyavik şəhərinin mərkəzindəki sahə və İslandiyanın cənub-qərbindəki Hafnir kəndindəki Vogur kimi digər mövsümi düşərgələr İslandiyanın digər yerlərində də aşkar edilmişdir. Bununla belə, heç kim Vikinqlər tarixinə Stöd qəsəbəsi kimi yeni fikirlər təqdim etməyib.
Tədqiqatçılar daha qədim Vikinq məskənləri üçün Skandinaviyada axtarış etməyə davam etdikcə, şübhəsiz ki, daha təəccüblü kəşflər olacaq.
Mənbə: Allthatsinteresting
Tərcümə etdi: Səidə Abasova
