Son araşdırmalar, beynimizin işləmə prinsipləri haqqında bildiyimiz bir çox məlumatın yanlış olduğunu ortaya qoyub. Beyinlə bağlı beş əsas əfsanə və onların həqiqətləri haqqında daha çox məlumat əldə etmək mümkündür.
Əfsanə 1: Yaddaş və öyrənmə yalnız neyronlarda baş verir.
Həqiqət: Yeni tədqiqatlar göstərir ki, bəzi neyron olmayan toxumalar, məsələn, böyrək hüceyrələri də məlumat toplayıb saxlayır.
Əfsanə 2: Bütün dad alıcıları yalnız ağızda yerləşir.
Həqiqət: Araşdırmalar dad alıcılarının bağırsaqlarda, beyində, ağciyərlərdə və ürəkdə də olduğunu göstərib.
Əfsanə 3: Beş əsas hissimiz var.
Həqiqət: Yüksək səviyyəli araşdırmalar, bəzən insanların hətta maqnit sahələrini hiss edə bildiyini ortaya çıxarıb.
Əfsanə 4: Yalnız diqqət yetirsəniz öyrənə bilərsiniz.
Həqiqət: İmplicit yaddaşın təsiri ilə insanlar bəzən məlumatı fərqində olmadan toplaya bilirlər.
Əfsanə 5: Neyronlar yalnız kimyəvi sinapslar(xüsusi qovşaqlar) vasitəsilə əlaqə qurur.
Həqiqət: Yeni tədqiqatlar, bioelektrik sahələr vasitəsilə uzun məsafəli əlaqə qurulmasının mümkün olduğunu aşkar edib.
Nevroloq Eric Haseltine, Ph.D., bu yeni məlumatların yalnız başlanğıc olduğunu və gələcəkdə beyin haqqında daha çox əfsanənin ortaya çıxacağını, xüsusən də süni intellekt və digər inkişaf etmiş alətlərdən istifadə ilə gözlədiklərini bildirib.
Mənbə : Psychology Today
Tərcümə etdi : Zeynəb Yunuszadə
