Hollywood ulduzu Sharon Stone, gənc yaşlarına dayanaraq, özünə dayanıqlıq barədə nə deyəcəyini düşündüyündə, həm özünü, həm də müsahibəni aparan jurnalisti təəccübləndirdi. Siyasətdən, incəsənətdən və Hollywooddan danışdıqları zaman, qəfil əllərini gözlərinə apardı, uzun müddət susdu və sonra ağlamağa başladı.
66 yaşlı aktrisa gəncliyinə “Bacaracaqsan” deyəcəyini bildirib: “Bilmirsən, amma bunun öhdəsindən gələcəksən,” deyə təkrar etdi. “Bunu göz qapaqlarımın iç hissəsinə döymə etdirərdim.”
Dayanıqlıqla dolu həyat mübarizəsi
23 il əvvəl keçirdiyi beyin qanaması Stone-un həyatını dəyişdi. Hadisə nəticəsində beynində qanaxma və insult yaranmışdı, ona sadəcə 1% yaşama şansı verilmişdi. Həyatını yenidən qurmalı, danışmaq və yerimək kimi əsas bacarıqları öyrənməli oldu.
Bundan sonra da müxtəlif çətinliklərlə üzləşdi: maddi problemlər, oğlu Roan üzərindəki qəyyumluq mübarizəsi və keçmiş əri ilə hüquqi çəkişmələr. Stone bildirir ki, bu qədər çətinliklərdən keçərək indiki nöqtəyə gəldiyini tam dərk etməmişdi: “Artıq hamı sahilə çıxdı. Hər şey sona çatdı.”
Yeni sənət yolu
Pandemiya dövründə rəsm çəkməyə başlayan Stonun işləri cəsur və impressionist üslubda, həmçinin böyük formatdadır. Öz sözlərinə görə, bu, həm görmə məhdudiyyətləri, həm də rəssam xalası tərəfindən ilhamlanması ilə bağlıdır. “Sadəcə dərin bir şəkildə prosesi yaşayaraq rəsm çəkirəm,” deyir.
Hollywood və qadınlar
Stone, keçmişdə qadınların daha çox kişilərin fantaziyalarını canlandırdığı qənaətindədir. Lakin o, artıq qadınların özlərinə uyğun şəkildə hərəkət etdikləri rolların artdığını vurğulayır.
Dayanıqlılığın tərifi
Stone üçün dayanıqlıq həyatın çətinliklərinə baxmayaraq, hər zaman pozitiv olmağı seçməkdir. “Düşdünüzsə, qalxın. Kimsə sizi aşağı salıbsa, qalxmağa kömək etmək istəyənə icazə verin,” deyir.
Mənbə: BBC
Tərcümə etdi: Fatima Farzali
