Yabanarısı yarasası, elmi adıyla kitti’nin domuz burunlu yarasası, dünyanın ən kiçik məməli heyvanı olaraq Guinness Rekordlar Kitabına daxil edilib. Bu kiçik canlı olduqca yüngül çəkisi və cılız ölçüsü ilə diqqət çəkir.
Yabanarısı yarasası, qanadlarını açdıqda cəmi 13 - 15 santimetr (5.1 - 5.7 düym) genişliyə sahib olur. Uzunluğu isə başdan bədənə qədər 2.9 - 3.3 santimetrdir (1.14 - 1.29 düym). Çəkisi isə sadəcə 1.4 - 2 qram (0.05 - 0.07 unsiya) arasındadır.
Bu yarasalar əsasən Tayland və Myanmanın müəyyən bölgələrində yaşayır. Onlar qaranlıq mağaralarda kiçik qruplar halında məskunlaşır və əsasən gecələr aktiv olurlar. Qidalanmaq üçün isə kiçik həşəratlara üstünlük verirlər.
Yabanarısı yarasasının xüsusiyyətləri təkcə onun kiçik ölçüsü ilə bitmir. Onların iri burun quruluşu və qısa qulaqları var, bu da digər yarasa növlərindən fərqlənməsini təmin edir. Alimlər bu kiçik məməli heyvanın mövcudluğunun qorunması üçün addımlar atır, çünki təbiətdə nəsli tükənmə təhlükəsi ilə üz-üzədir.
Dünyanın ən kiçik məməlisi olan yabanarısı yarasası, həm ölçüsü, həm də maraqlı yaşayış tərzi ilə təbiətsevərlərin diqqətini çəkir.
Mənbə: Savit.in
Tərcümə etdi: Aysel Şıxməmmədova
