1. Leonardo da Vinçinin qısa tarixi
Rəssam, heykəltəraş, mühəndis, memar, alim və ixtiraçı Leonardo da Vinçi (1452-1519) mütləq dahi idi. O, çoxlu rəsmlər yaratmasa da, elmi dəqiqliyi təxəyyüllə birləşdirərək çoxsaylı rəsmlər və dəftərlər hazırlayıb. O, geologiya, anatomiya, qravitasiya və optika kimi müxtəlif sahələri araşdırıb. Onun bütün yaradıcılıqları arasında biz ən məşhur əsər üzərində dayanacağıq: gülləkeçirməz şüşə arxasında qorunan və hər gün minlərlə ziyarətçi tərəfindən heyranlıqla baxılan "Mona Liza".
2. Cavabsız suallar.
Onun gülüşü çoxlu şərhlərə səbəb olub. O, birdən çox yazıçını narahat edən təbəssümdür. Yaxşı xəbər odur ki, bu təbəssüm yalnız Mona Lizaya aid deyil. Da Vinçi tərəfindən çəkilən əksər üzlərdə, məsələn, Qayaların Madonnasında və Müqəddəs Annedə tapıla bilər. Mona Lizanın arxasındakı mənzərəyə diqqətlə baxın. Soldakı hissə gölü, sağdakı hissə isə dağları təmsil edir. Göllə dağlar arasında əlaqə yaradan onun təbəssümüdür. Mona Lizanın təbəssümü dağların yamacında ucalır, gölün kənarında dağılır. Beləliklə, gözəl qadınımızın təbəssümü iki hissə arasında keçid yaradır. Bəs onun əlləri? 16-cı əsrdə əllər qadın gözəlliyinin ən vacib cəhətlərindən biri hesab olunub. Niyə uzun və incə deyillər?
3. Sfumato nədir?
"Sfumato" italyanca "tüstü" deməkdir. Leonardo da Vinçinin tez-tez istifadə etdiyi bir texnikadır. Kölgələri və tonal effektləri təmsil etmək üçün o, şəffaf rəng qatlarını üst-üstə qoyaraq rəsmlərinə yumşaq, dumanlı bir görünüş verib.
4. Niyə onun qaşları yoxdur?
Mona Lizanın heç bir qaşının olmadığını görmüsünüzmü? Ən çox ehtimal olunan fərziyyə budur ki, zaman keçdikcə rəsm, əvvəlki bərpa işləri zamanı çox güclü təmizləndiyinə görə, xüsusiyyətlərini itirib. Digər bir ehtimal isə rəssamın zamanla solan boyadan istifadə etməsidir.
Mənbə: Museum TV
Hazırladı: Nigar Muştaqova
