Evliliyi davam etdirmək və sağlam saxlamaq üçün bir sıra sadə amma effektiv üsullar mövcuddur. Psixoloq Mark Traversin sözlərinə görə, evliliyi davam etdirən ən vacib amil böyük jestlər deyil, kiçik və gündəlik hərəkətlərdir. Bu məqalədə evli cütlüklərin münasibətlərini gücləndirmək üçün tətbiq edə biləcəyi 5 əsas yöntəmi təqdim edirik:
1. Emosional göstəricilər: Tərəfdaşınıza həqiqi bir kompliment vermək və ya sadəcə təşviq edici bir toxunuşla onun ruh halını yaxşılaşdırmaq evlilikdə güvən və yaxınlıq yaradır.
2. Maddi göstəricilər: Fikirləşərək seçilən bir hədiyyə və ya kiçik bir yardım tərəfdaşınıza dəyər verdiyinizi və onu düşündüyünüzü hiss etdirə bilər.
3. Şəxsi məkanın hörmətlə qorunması: Evli cütlüklər arasında intim münasibət və şəxsi sahəyə hörmətli yanaşma balansını tapmaq vacibdir. Hər kəsin öz müstəqilliyinə sahib olması, münasibətləri sağlam saxlayır.
4. Birgə fəaliyyətlərə qoşulmaq: Birlikdə yeni fəaliyyətlərə başlamaq, məsələn, birgə səfər etmək və ya yeni bir hobbi seçmək evliliyi daha da canlandırır.
5. Tərəfdaşın ailəsinə və dostlarına yardımcı olmaq: Evlilik yalnız iki nəfər arasında deyil, həm də tərəfdaşın yaxın ətrafı ilə münasibətlərin də güclənməsini tələb edir. Bu, cütlüyün bir-birinə daha yaxın hiss etməsinə kömək edir.
Psixoloq Mark Travers, Ph.D., yazır ki, "Evliliyi davam etdirən böyük jestlər deyil, kiçik, hər gün edilən hərəkətlərdir. Evliliyə davamlı yatırım edərək, cütlüklər uzun illər boyu sağlıqlı və güclü bir münasibət qura bilərlər." Bəhs olunan yanaşma ilə evlilik yalnız sağ qalmaz, həm də illər boyu inkişaf edər.
Mənbə : Psychology Today
Tərcümə etdi: Zeynəb Yunuszadə
Evliliyi gücləndirmək üçün 6 yöntəm
Paylaş
