4 İyul 1941-ci ildən Birləşmiş Ştatlarda federal bayramdır, lakin Müstəqillik Günü qeyd etmə ənənəsi XVİİİ əsrə– Amerika İnqilabına gedib çıxır. 2 iyul 1776-cı ildə Kontinental Konqres müstəqilliyin lehinə səs verdi və iki gün sonra 13 koloniyadan olan nümayəndələr Tomas Cefferson tərəfindən hazırlanmış tarixi sənəd olan Müstəqillik Bəyannaməsini qəbul etdilər.
1776-cı ildən bu günə qədər 4 iyul Amerikanın müstəqilliyinin doğum günü kimi qeyd olunur, atəşfəşanlıq, paradlar və konsertlərdən tutmuş daha təsadüfi ailə toplantılarına və manqallara qədər şənliklər keçirilir. 2024-cü ilin 4 iyulu cümə axşamı gününə təsadüf edir.
Müstəqillik gününün tarixi
1775-ci ilin aprelində İnqilab Müharibəsində ilk döyüşlər başlayanda, bir neçə kolonist Böyük Britaniyadan tam müstəqil olmaq istədi və bunu edənlər radikal hesab edildi.
Növbəti ilin ortalarında isə İngiltərəyə qarşı artan düşmənçilik və Tomas Peyn tərəfindən erkən nəşr olunan və bestseller olan “ Sağlam düşüncə ” adlı broşürdə ifadə edilənlər kimi inqilabi hisslərin yayılması sayəsində daha bir çox kolonist müstəqilliyin tərəfdarı oldu.
İyunun 7-də Kontinental Konqres Filadelfiyada-Pensilvaniya Dövlət Evində görüşəndə Virciniya ştatının nümayəndəsi Riçard Henri Li koloniyaların müstəqilliyinə çağırış təklifini təqdim etdi.
Qızğın müzakirələr fonunda Konqres Linin qətnaməsi üzrə səsverməni təxirə saldı, lakin beş nəfərlik komitə təyin etdi, o cümlədən Virciniyadan Tomas Cefferson, Massaçusetsdən Con Adams, Konnektikutdan Rocer Şerman, Pensilvaniyadan Benjamin Franklin və Nyu Yorkdan Robert R. Livinqston Böyük Britaniya ilə fasiləyə haqq qazandıran rəsmi bəyanat layihəsi hazırladı.
İyulun 2-də Kontinental Konqres təxminən yekdilliklə Linin müstəqillik qətnaməsinin lehinə səs verdi (Nyu-York nümayəndə heyəti bitərəf qaldı, lakin sonradan müsbət səs verdi. Həmin gün Con Adams həyat yoldaşı Abiqailə yazırdı ki, iyulun 2-si “böyük yubiley festivalı kimi gələcək nəsillər tərəfindən qeyd olunacaq”.
İyulun 4-də Kontinental Konqres, əsasən Cefferson tərəfindən yazılmış Müstəqillik Bəyannaməsini rəsmi olaraq qəbul etdi. Faktiki müstəqillik üçün səsvermə iyulun 2-də keçirilsə də, o vaxtdan etibarən 4-ü Amerika müstəqilliyinin doğum günü kimi qeyd olunan gün oldu.
Mənbə: history.com
Tərcümə etdi: Rəhimə Cəmilova
