Öyrəşilmiş cavab suyun rəngi olmadığıdır; su "şəffaf"dır və dənizin mavi görünməsinin tək səbəbi səmanın dənizin üzərinə əks olunmasıdır.
Səhv!
Su əslində mavidir.
Son dərəcə solğun bir tonudur, amma mavidir. Bunu təbiətdə, dərin bir dəliyə ya da donmuş bir şəlalənin qalın buzlarının içinə baxdığınızda görə bilərsiniz. Çox böyük və çox dərin ağ bir hovuzu suyla doldurub içinə baxdığınızda, su mavi görünəcək.
Dəniz suyu struktur olaraq rəngsizdir, lakin onun içindəki molekullar xüsusilə təbəqə qalınlaşdıqca (hovuz kimi, dəniz kimi) aşağı tezlikli, yüksək dalğa uzunluqlu rəngli dalğa uzunluqlarını saxlayır/udur. Beləliklə, mavi kimi yüksək tezlikli, aşağı dalğa uzunluğuna malik rəngləri əks etdirir.
Bu səbəbdən stəkandakı su şəffaf, hovuzdakı su isə mavi görünür. Suyun dalğa uzunluqlarını saxlaması üçün bir təbəqə olmalıdır. Eyni şey səmaya da aiddir.
Səmadan əks olunan rəng qətiliklə əhəmiyyətli bir rol oynayar. Buludlu bir gündə dəniz tam olaraq mavi görünməz. Amma gördüyümüz işığın hamısı suyun səthindən əks olunmaz; bu işığın bir qisimi səthin altından gəlir. Su nə qədər bulanıksa, o qədər çox rəng əks etdirir.
Dənizlər, göllər, çaylar və gölməçələr kimi böyük su kütlələrinə son dərəcə sıx bir şəkildə mikroskopik bitkilər, su yosunu və torpaqdaxildir. Bütün bu hissəciklər suyun səthinə geri dönən işığı əks paylayaraq gördüyümüz rənglərdə böyük sapmalara səbəb olarlar.
Mənbə: Britannica.com
Tərcümə etdi: Aytac Musayeva
