Son 70 ildə plastik istehsalı kəskin artıb. 1950-ci ildə dünya cəmi iki milyon ton plastik istehsal edib. İndi isə bu rəqəm 450 milyon tondan çoxdur.
Plastik həyatımıza çox dəyər qatıb: bu, tikinti, məişət texnikası, tibbi alətlər və qida qablaşdırması daxil olmaqla müxtəlif tətbiqlərdə istifadə olunan ucuz, çox yönlü və steril materialdır.
Bununla belə, plastik tullantılar səhv idarə edildikdə - təkrar emal edilmədikdə, yandırılmadıqda və ya möhürlənmiş poliqonlarda saxlanmadıqda - ətraf mühiti çirkləndiriciyə çevrilir. Hər il bir-iki milyon ton plastik okeanlarımıza daxil olur və canlı təbiətə və ekosistemlərə təsir göstərir.
Dünyada plastik tullantıların idarə edilməsinin təkmilləşdirilməsi, xüsusən də, okean plastiklərinin çoxunun gəldiyi yoxsul ölkələrdə bu problemin həlli üçün çox vacibdir.
Mənbə: Ourworldindata
Tərcümə etdi: Nərmin Abışova
