Bilin ki, ürək-damar sağlamlığını qorumaq üçün super qida yoxdur, ancaq ürəyinizi və damarlarınıza qalxan olacaq qidalar var. Bu, hətta uşaqlarda da müşahidə olunur.
Dünyada, eləcə də Türkiyədə xroniki xəstəliklər, ürək-damar xəstəlikləri ölüm səbəbləri arasında birinci yerdədir. İndi uşaqlıq dövrünə aid olan hərəkətsizlik, piylənmə və qeyri-sağlam qidalanma sözün əsl mənasında ürək xəstəliyinə səbəb olur. Hazır qidalar yemək, həddindən artıq spirt içmək və siqaret çəkməklə yanaşı, stress də ürəyi təsir edən amillər arasındadır. Buna görə ürək xəstəliyi halları son illərdə sürətlə artmaqdadır. Sağlam qidalanma onun müalicəsi üçün çox vacib olsa da, faydaları olan və qarşısını almaq lazım olan qidalar var. Budur bu qidalar…
Sarımsaq
Damarların tıxanmasının qarşısını alır, qan təzyiqini və qan yağını azaldır. Bununla birlikdə, antikoagulyant və ya antihipertenziv dərman qəbul edirsinizsə mütləq həkiminizlə məsləhətləşin.
Fındıq, qoz, badam
Pis xolesterolu azaldır, yaxşı xolesterolu artırır, qan laxtalanmasını azaldır və trigliseridlərin azalmasına kömək edir. Gündəlik 2-3 qoz, 8-10 ədəd çiy badam və ya fındıq istifadə edin.
Pomidor
Pomidorlara qırmızı rəng verən likopen ürək xəstəliyi riskini azaldır, xolesterol səviyyəsini tənzimləyir. Araşdırmalara görə, pomidor bişmiş formada istifadə etmək daha sağlamdır.
İspanaq
Kalium və pulpa ilə zəngin ispanaq qan təzyiqini idarə edir, xolesterolu azaldır və ürək əzələsinin normal işləməsini təmin edir. Brokoli kimi tərəvəzlər də ürək üçün faydalıdır.
Alma
Gündə bir alma, xüsusilə ürək xəstəliyi riskini azaldan pektin tərkibinə görə pis xolesterolu azaldır.
Qurudulmuş lobya, noxud, mərcimək
Qurudulmuş paxlalılar, tərkibindəki pulpa sayəsində qanda pis LDL xolesterol səviyyəsini azaltmağa kömək edir.
Yaşıl çay
İçindəki polifenolik birləşmələrlə; infarktın əsas səbəbi olan qan laxtalanmasının qarşısını alır, pis xolesterolu azaldır. Hər gün 1-2 fincan istifadə edə bilərsiniz. Böyrək xəstəliyi olanlar həkim məsləhəti olmadan yaşıl çay istifadə etməməlidirlər.
Zeytun yağı
Ürək-damar xəstəliklərindən qoruyur, zərərli xolesterol səviyyəsini azaldır. Gündə 2-3 xörək qaşığından çox istifadə etməyin.
Balıq
Balıq ürək-damar xəstəliklərinin qarşısını alır, pis xolesterolu azaldır və yaxşı xolesterolu artırır, ürək ritmini tənzimləyir. Diabetin özü ürək xəstəliyi üçün zəmin yaratdığından, diabet və ürək xəstəliyi olan insanlar həftədə 2 gün balıq istifadə etməlidirlər. Ancaq balığı qızartmayın, əksinə ızgara edin.
“Beş çayında un məmulatları olsun" deməyin
Ürək-damar xəstəlikləri üçün zəmin yaratmamaq üçün qaçınılması lazım olan qidalar var. Üstün tutduğunuz məhsulun sağlam olub olmadığını görəndə necə bişirdiyinizi də unutmayın. Sakatat, qaymaq, mayonez, ketçup, bulyon, bişmiş məhsullar və qızartma, kərə yağı, şirniyyat ətləri, qızardılmış ətlər, turşu, turşu qidalar, hisə verilmiş ətlər, işlənmiş qidalar və soya sousu kimi qidalardan uzaq durun, çünki bunlar ürək-damar xəstəlikləri üçün zəmin yaradır.
Mənbə: Acıbadem
Tərcümə etdi: Aysu Əsədova
