Balqabaq payız aylarından etibarən piştaxtalarda yerini almağa başlayan sağlam və dadlı bir yeməkdir. Şirindən şorbaya, yeməkdən toxumuna qədər bir çox formalarda istifadə edilə bilən balqabaq həm şirin, həm də duzlu dadlarla çox gözəl uyğunlaşır. 
Balqabağın dadından əlavə, çox yüksək qida dəyəri var. Təbiətdə narıncı, sarı və qırmızı rənglərlə görünən bol A vitamini sələflərini ehtiva etdiyi üçün onu yerkökü ilə yanaşı ikinci göz dostu kimi də təsvir etmək olar. Bütün bu səbəblərə görə balqabağı xüsusilə təzə tapıldığı qış aylarında müntəzəm olaraq istifadə etmək tövsiyə olunur.
Balqabağın qida dəyəri
Balqabaq yeddidən yetmişə qədər bütün sağlam insanlar tərəfindən istifadə edilə bilən çox qiymətli bir qidadır. Kalorisi az olduğu üçün arıqlama pəhrizləri zamanı belə istifadə edilə bilsə də, çox zəngin qida tərkibi ilə də diqqət çəkir. Balqabağın qida dəyərini nəzərə alsaq, bir qabda (250 qram) bişmiş balqabağın tərkibində təxminən;
50 kkal enerji, 0,2 qram yağ, 2 qram protein, 12 qram karbohidratlar, tərkibində 3 qram pəhriz lifi (pulpa) var.
Bundan əlavə, bu miqdarda balqabaq gündəlik vitamin və mineral ehtiyacınızın əhəmiyyətli bir hissəsini ödəməyə imkan verir.
Bundan əlavə, balqabağın tərkibində az miqdarda maqnezium, fol turşusu, fosfor, sink və B qrupu vitaminləri var. Balqabağın kalorisinə nəzər saldıqda, onun geniş və zəngin qida çeşidini nəzərə alsaq, onun kifayət qədər aşağı kalorili olduğunu görə bilərsiniz. Bunun səbəbi balqabağın çox yüksək miqdarda su ehtiva etməsidir. 94%-i sudan ibarət olan balqabaq, yüksək həcminə baxmayaraq, bədəni çox aşağı enerji ilə təmin etdiyi üçün çəki nəzarətində də kömək edə bilər.
Balqabağın faydaları nələrdir?
Qış balqabağı olaraq da bilinən balqabaq sonsuz faydaları ilə çox qiymətli təbii qidadır. Ölkəmizdə geniş şəkildə yetişdirilən balqabağın faydalarına aşağıdakılar daxildir:
Göz sağlamlığının qorunmasına kömək
Balqabağın tərkibində yerkökü kimi bol olan və ona narıncı rəng verən beta-karoten orqanizmdə A vitamininə çevrilən bir xəbərçi maddədir. Gündəlik A vitamini ehtiyacınızı yalnız bir stəkan balqabaq tükətməklə qarşılaya bilərsiniz. A vitamini bədəndə bir çox mühüm rol oynasa da, ən çox göz sağlamlığına faydaları ilə tanınır. Bu səbəblə balqabaq göz sağlamlığının və xüsusilə də zəif işıqda gözlərin aydın görmə qabiliyyətinin qorunmasında çox faydalı olacaq.
Mənbə: medicalpark
Tərcümə etdi: Nuray Mürsəlova
