Postpartum nədir?
Doğuşdan sonrakı dövr xalq arasında puerperium olaraq adlandırılan və qadının doğuşdan sonrakı dövrünü ifadə edən bir termindir. Bu proses doğuşdan dərhal sonra başlayır və adətən, 2-3 aya qədər davam edə bilər. Yeni doğulmuş qadınların keçdiyi bu proses emosional və hormonal dəyişikliklərlə yanaşı, fiziki bərpanı da əhatə edir. Doğuşdan sonra başlayan vaginal qanaxma və süd istehsalı anaların yaşadığı hormonal dəyişikliklər arasındadır.
Uzun müddət davam edə bilən bu dövr anaların körpələri ilə güclü bir əlaqə qurmasının təməlini qoysa da, ananın özünə yaxşı baxmasını da tələb edir. Bu qayğı, gigiyena və qidalanma ilə yanaşı, həm də yaxşı psixoloji vəziyyət tələb edə bilər. Ancaq sıx emosional hisslər yaşayan analar zaman zaman depressiya və narahatlıq kimi vəziyyətlər yaşaya bilərlər. Bu vəziyyətdə olan analar körpələrinə baxarkən və ya digər rutin işləri yerinə yetirərkən müxtəlif problemlər yaşaya bilərlər.
Postpartum depressiyanın əlamətləri hansılardır?
Postpartum depressiya bəzi qadınlarda doğuşla və ya doğuşdan qısa müddət sonra başlayan psixoloji dəyişikliklərdir. Bu vəziyyətdə olan analar körpələri üçün qeyri-kafi olduqlarını düşünərək daha da əsəbiləşə bilərlər. Ancaq bu əlamətlər anaların öz nəzarətində deyil və mütləq dəstək almalıdırlar. Postpartum depressiyanın bəzi əlamətləri aşağıdakı kimi sadalanır:
-Körpə ilə əlaqə qurmaqda çətinlik
-Depressiya və ya birdən-birə əhval dəyişikliyi
-Daimi kədər, bədbəxtlik, ümidsizlik
-Tez-tez ağlamaq
-Ailə və ya dostlarla münasibətləri azaltmaq
-İştahın azalması və ya çox yemək
-Yuxusuzluq və ya çox yatmaq
-Yorğun, ləng və ya enerjisiz hiss etmək
-Əvvəllər həzz aldığı şeylərdən artıq həzz almır
-Körpə üçün qeyri-adekvat hiss etmək və yaxşı ana ola bilməmək
-Düşüncə, qərar vermə və konsentrasiyada çətinlik
-Həyat yoldaşına və ya körpəsinə marağın olmaması
-Körpəyə və ya özünə zərər vermə düşüncələri və ya intihar düşüncələri
Yuxarıda qeyd olunan simptomlar insandan insana dəyişə bilər və bəzi qadınlarda bir neçə həftə davam etdiyi halda, daha uzun müddət davam edə və psixoza səbəb ola bilər.
Mənbə: medicalpark
Tərcümə edən: Gülay Qəribova
