Manipulyasiya başqalarının hisslərini, düşüncələrini və davranışlarını onlara xəbər vermədən müxtəlif
üsullarla dəyişdirməyə çalışmaqdır. Manipulyasiya edən şəxs öz maraq və istəklərinə uyğun olaraq qarşı
tərəfə təsir etməyə çalışır. Eqoizm və fərdiyyətçilik hissləri ilə başlayan və özünə haqq qazandırmağa
çalışan insanın mənfi davranışı hər iki tərəfə təsir edir. Ciddi nəticələrə səbəb ola biləcək bu vəziyyətlərdə
xəbərdar olmaq və dəstək almaq vacibdir. Manipulyasiya edən insanlar müxtəlif insanları və ya qrupları
hədəf alır və onları öz maraqlarına istiqamətləndirirlər. Qeyri-etik üsullarla insanı və ya qrupu
dəyişdirməyi hədəfləyir. Qavrayış idarəçiliyi və manipulyasiyanı birləşdirən bu vəziyyət həm psixoloji
prosesdir, həm də hüquqların pozulmasıdır.
Manipulyator insanların şüuruna təsir etmək, onların düşüncə və davranışlarını istiqamətləndirmək üçün
müxtəlif üsullardan istifadə edir. Bu üsullar zamanı bəzən inandırmağa çalışmaq, bəzən də duyğuları
istismar etmək kimi davranışlar sərgiləyirlər. Bundan əlavə, istifadə etdiyi üsullar arasında; Məhrumiyyət,
alçaldılma və ya emosional zorakılıq kimi zorakılığa əsaslanan davranışları əhatə edən manipulyasiya
nümunələri ola bilər.
Mənbə:erdempsikiyatri.com
Tərcümə etdi: Rəhimə Cəmilova
