Yemək yerinə mədə doldurmaq məqsədi ilə şirniyyat istehlak edilməməsinin vacib olduğunu deyən prof. Dr.Yıldız həm uşaqlar, həm də böyüklər üçün karbohidrat istifadəsini mümkün qədər məhdudlaşdırmağın vacib olduğunu söylədi. İçkilərin və xüsusilə şəkər əlavəsi olan qablaşdırılmış qidaların davamlı qəbul edilməsinin asılılıq yarada biləcəyini vurğulayan Yıldız:
"Erkən uşaqlıq və yeniyetməlik insulin müqaviməti ilə birlikdə şəkər istifadəsi baxımından ən yüksək risk olaraq təyin etdiyimiz dövrlərdir. Həddindən artıq Bu dövrlərdə şəkər istehlakı insulin müqavimətini üstələyər və yetkinlik dövründə diabet, ürək-damar xəstəlikləri, depressiya, əhval, narahatlıq, demans, Alzheimer, müxtəlif xərçənglər və polikistik yumurtalıq sindromuna səbəb ola bilər".
Uşaqların dad duyğusunun çox erkən inkişaf etdiyinə diqqət çəkən prof. Dr.Yıldız, ailələrə də xəbərdarlıq edib: "Uşaqların dad duyğuları 3 yaşına çatmamış inkişaf edir".
Yəni uşaq 3 yaşına kimi nə yeyir, nə yemək istəyir. 33 və 53 yaşda nə istədiklərini müəyyən edir. Bu səbəblə, bu yaş qrupunu paketli qidalardan, şəkər və karbohidrat əsaslı pəhrizlərdən uzaq tutmağımız çox önəmlidir.
Prof. Dr.Yıldız, "sağlam qidalanma, nizamlı yuxu, stressə nəzarət və nizamlı idman"-ın insulin müqavimətinə qarşı ən əhəmiyyətli tədbir olduğunu sözlərinə əlavə edib.
Mənbə: Habertürk
Tərcümə etdi: Sayad Qoşnalıyeva
