Dior 21 yanvar 1905-ci ildə Fransanın Granville şəhərində anadan olub. Ailəsi Fransanın şimalında, Normandiya bölgəsində yerləşən Granville Sahil qəsəbəsində gübrə istehsalı ilə məşğul idi. 10 yaşında ikən ailəsi digər 4 bacısı ilə birlikdə Parisə köçdü. İbtidai, və orta məktəbi bitirdikdən sonra Paris Universitetinin Siyasi İnstitutunda siyasi elmlər oxudu.
Valideynləri onun diplomat olmasını çox istəyirdilər, lakin Christian Dior yalnız moda və əlavə olaraq rəsm çəkməklə maraqlanırdı. Pul qazanmaq üçün moda eskizlərinin hər birini təxminən 10 sentə satdı. Məzun olduqdan sonra atasından bir az pul aldı və beləliklə 1928-ci ildə Pablo Picassoya bənzər sənət əsərləri satan kiçik bir sənət qalereyası açdı.
1931-ci ildə dünyada baş verən iqtisadi böhran nəticəsində atası işini itirdi və yaşadıqları maliyyə böhranından sonra Dior qalereyasını bağlamaq məcburiyyətində qaldı. Bu dövrdə əvvəlcə Le Figaro jurnalı üçün başlıq modelləri çəkərək, sonra Paris moda evləri üçün eskizlər çəkərək dolanışığını təmin etdi.
1930-cu illərdən 1940-cı illərədək orduya çağırılana qədər isveçrəli Couturier Robert Piguet ilə çalışdı. 1941-ci ildə Parisdən ayrıldıqdan sonra Fransanın cənubunda meyvə yetişdirməyə başladı. 1942-ci ildə əsgərliyini bitirdikdən sonra Christian Dior, Pierre Balman ilə birlikdə əsas dizaynerlər olduğu Lucien Lelong moda evinə qatıldı. İkinci Dünya müharibəsi zamanı nazi zabitlərinin və fransız əməkdaşlarının həyat yoldaşlarını geyindirdi. 16 dekabr 1946-cı ildə dövrün ən böyük iş adamlarından biri, pambıq parça istehsalçısı Marcel Bussacın dəstəyi ilə öz moda evini qurdu.
1947-ci ildə ilk kolleksiyasını təqdim edən Christian Dior, onu “Corolla”, “ləçəklər” (sözün əsl mənasında Botanika termini “Corolla” və ya “çiçək ləçəkləri”) adlandırdı, lakin “yeni görünüş” termini Harper Bazaar-ın baş redaktoru Carmel tərəfindən hazırlanmışdır.
Christian Diorun moda siluetlərini təyin etdiyi dövr belə başladı. Christian Dior, yaratdıqları siluetləri formalarına görə adlandırmaq vərdişinə sahib idi. Dünyanın “yeni bir görüntü” olaraq tanıdığı silueti özü də “rəqəm 8” (forma 8) adlandırdı, paltarın boyun xətti ilə çəkilmiş formaya istinad etdi: sinə qabarıq, bel nazik və budlar parça ilə zəngin ətəklərlə dolu idi. 1948-ci ildəki bu müvəffəqiyyətdən sonra asimmetriya ilə oynayan “ziqzaq xəttini”, 1950-ci ildə şaquli silueti və 1953-cü ildə yuvarlaq və xırtıldayan konturlarından ilham alan “Lalə” kəsimini təqdim etdi. Onları h hərfinə bənzəyən “xətt H” siluetləri, bədənə bitişik aydın konturları, sinə boyunca enən “xətt A” və çiyinlərdə açıqlığı vurğulayan “xətt Y” izlədi.
Bəlkə də Christian Dior, 20-ci əsrdə Parisdəki Montaigne küçəsində bir moda evi açanda 1946-cı əsrə işarə edəcəyini bilmirdi. 1947-ci ilin yanvarında çıxan kolleksiya moda meylləri konsepsiyasını və dünyada maraq doğuran yeni geyim konsepsiyasını yaratdı. Vogue jurnalının baş redaktoru Montaigne küçəsindəki moda nümayişindən sonra Christian Dior-a “yeni görünüşün” gedişi başladı və onu jurnalın üz qabığına qoydu.
1949-cu ildə 12,7 milyon satışla Avropa kral ailələrindən Hollivud ulduzlarına qədər dəyişən bir müştəri əldə etdi. İlin sonuna qədər Dior Nyu-Yorkda bir ticarət mərkəzi açdı və 1954-cü ildə Londonda fəaliyyətə başladı. 1953-cü ilin sonuna qədər şirkət Meksika, Kanada, Kuba və İtaliyada fəaliyyət göstərirdi.
1948-ci ildə Christian Dior ətirlərini buraxdı. Christian Dior adı qalstuk, corab, xəz, əlcək, əl çantası, zərgərlik, alt paltarı və eşarp da daxil olmaqla bir sıra aksesuarları öz sahəsində istifadə etmişdir.
Christian Dior, 52 yaşında, 23 oktyabr 1957-ci ildə İtaliyanın Montecatini Terme şəhərində tətildə olarkən ürək tutmasından öldü.
1957-ci ildə Christian Dior öldükdə yalnız 21 yaşında olan gənc köməkçi dizayner Yves Saint Laurent Dior markasının baş dizayneri vəzifəsini icra etdi.
Christian Diorun doğulduğu ev bu gün Christian Dior Muzeyi olaraq istifadə olunur.
Mənbə: yeniakit
Tərcümə etdi : Aysu Əsədova
