Ateroskleroz damarların divarları boyunca bədən yağları yığıldıqda meydana gəlir. Damarların tıxanması daralmaya səbəb olur, ürəyə və bədənin digər hissələrinə qan axını məhdudlaşdırır. Koroner ürək xəstəliyi ürək xəstəliklərinin əsas səbəbi hesab olunur. Bu hallarda qəbul etdiyiniz qida damarlarınızı kökündən ucuna qədər təmizləyə bilər. Bəs qan damarlarını hansı qidalar təmizləyir?
“Ürək-damar xəstəlikləri dünyada ölümə səbəb ola biləcək ən çox görülən xəstəliklərdən biridir. Digər tərəfdən, erkən yaşda əldə edilən yemək və idman vərdişi bu xəstəliklərin qarşısını almağın bir üsuludur. Bəzi qidalar damar tıxanmasına səbəb olan problemləri də aradan qaldırır və damarları təmizləyir”.
Yulaf əzməsi
Yulaf əzməsi yüksək lif tərkibi ilə tanınır və həzm sağlamlığını dəstəkləyir. Səhər yeməyində yulaf qəbul edildikdə və ya yulaf çörəyinə üstünlük verildikdə xolesterol səviyyəsinin sabitləşir.
Badam
Badam doymamış yağlar və liflə zəngin bir qəlyanaltıdır. Tərkibindəki sağlam yağlar xolesterol səviyyəsini azaltmağa kömək edə bilər. Gündə bir ovuc badam yemək sağlam bir çəki təmin edir və xolesterol səviyyəsini sabitləşdirir.
Qızıl balıq
Omeqa-3 yağ turşuları ilə zəngin olan qızılbalıq ürək sağlamlığına kömək edə bilər. Omeqa-3 yağ turşuları iltihab əleyhinə təsir göstərə bilər və xolesterol səviyyəsini sabitləşdirməyə kömək edir.
Zeytun yağı
Zeytun yağı mono doymamış yağ ehtiva edir və ürək sağlamlığına müsbət təsir göstərə bilər. Yeməkdə zeytun yağının istifadəsi doymuş yağ miqdarını məhdudlaşdırmağa kömək edir.
Alma:
Yüksək lif və antioksidan tərkibi sayəsində alma xolesterol səviyyələrini tarazlaşdırmağa kömək edə bilər. Eyni zamanda, aclıq hücumlarının qarşısını alaraq pəhriz saxlayanlar üçün əvəzolunmaz bir qidadır.
Üzüm
Xüsusilə resveratrol adlı qırmızı üzümün dərisindəki birləşmə xolesterol səviyyəsinə müsbət təsir göstərir. Üzüm də xərçəngdən qoruyur.
Avokado
Sağlam yağlar və lif tərkibi sayəsində avokado qəbulu zərərli xolesterol səviyyəsini azaltmağa kömək edir. Onlarla faydası olan avokado tıxanmış arteriya probleminin müstəsna faydasını təmin edir.
Nar
Nar meyvəsi antioksidanlarla zəngin olduğu və xolesterolu azalda biləcəyi düşünülən başqa bir meyvədir. Çox miqdarda C vitamini olan nar qan şəkərini də azaldır.
Xolesterol dəyərləri necə olmalıdır?
Normal bədən funksiyalarını qorumaq və ürək-damar xəstəliklərinin inkişaf riskini azaltmaq üçün qanda xolesterol səviyyəsinin normal həddə olması çox vacibdir. Sağlam olaraq tanınan bir insanda qanda LDL səviyyəsi 130 mq / dL – dən, ümumi xolesterol 200 mq / dL – dən, trigliserid səviyyəsi 150 mq / dL-dən, HDL səviyyəsi qadınlarda 40 mq / dl, kişilərdə 50 mq / dL-dən aşağı olaraq təyin olunur.
Aparılan qan testləri nəticəsində xolesterol və trigliserid səviyyələrinin normada olmadığı aşkar edilərsə, bu vəziyyətin səbəbi müəyyənləşdiriləcək və fərd üçün müvafiq müalicə təyin ediləcəkdir.
Simptomlar:
Üzdə və xüsusilə göz ətrafında əmələ gələn sarı yağ bezləri
Sinə ağrısı
Zəiflik və yorğunluq
Ayaq ağrısı, uyuşma
Başgicəllənmə
Gec yara sağalması
Solğun dəri
Nəfəs darlığı
Dərinin altında yağ yığılması
Dəri ləkələri
Bədənin bəzi bölgələrində çürüklər
Yüksək xolesterol hallarının əksəriyyəti sakit olmağa meyillidir və bu səbəbdən xəstəliyin mənzərəsi inkişaf edənə qədər heç bir açıq simptom görünə bilməz. Bu vəziyyət normal yoxlamalarda xolesterol səviyyəsinin öyrənilməsini daha dəyərli edir. Xüsusilə 20 yaşdan yuxarı insanlarda xolesterol səviyyələrini mütəmadi olaraq izləmək tövsiyə olunur.
Mənbə: CNN Türk
Tərcümə etdi: Aysu Əsədova
