Res. Asst. Psixoloq Simay Yılmaz: "Bu faktorlardan ən əsası stress faktorudur. Gərgin iş mühiti və şəxsi həyatda yaranan münasibətlər problemləri də psixoloji yorğunluğa səbəb ola və gündəlik həyata pis təsir edə bilər".
Psixoloq Simay Yılmaz: "Psixoloji yorğunluq səbəbləri arasında gündəlik stress səviyyəsi, gələcək narahatlıq səbəbiylə intensiv düşüncələrin olması, keçmiş hadisələr haqqında təkrarlanan düşüncələr, yüksək səviyyədə fiziki fəaliyyət və stress nəticəsində yaranan psixoloji pozuntular ola bilər. Uzun müddət stress və narahatlıqla üz-üzə qalanda özümüzü yorğun hiss edirik. Stress və narahatlığa səbəb olan amillər yox olmazsa, bu psixoloji yorğunluq xroniki hala çevrilə bilər. Bu vəziyyət gündəlik həyatımıza və fəaliyyətimizə pis təsir göstərir",- deyə bildirib.
"Stress bu amillərin təməlindədir. Daim gərgin şəraitdə işləmək, məşğul iş həyatı, iş-həyat tarazlığını qura bilməməklə özünüzə vaxt ayıra bilməmək xroniki psixoloji yorğunluğun meydana gəlməsinə təsir edən amillərdəndir. Stress və iş həyatı ilə yanaşı deyə bilərik ki, ailə problemləri və ya münasibət problemləri kimi intensiv fərdi problemlər dövrünü keçmək psixoloji yorğunluğun meydana çıxmasında da effektivdir. Keyfiyyətli yuxu istirahət hissi oyatmaq üçün son dərəcə vacibdir. Bu səbəbdən də yuxunun qeyri-müntəzəm olması, gecə vaxtı işıqlı mühitdə yatmaq, kifayət qədər yatmamaq kimi problemlər xroniki yorğunluğa səbəb ola bilər",- deyə həkim əlavə edib.
Əlavə dərmanlar və ya psixoloji proseslər miqyası daxilində psixoloji və ya psixi yorğunluq diaqnozu qoyulan şəxsə lazımi müalicə və terapiyanın tətbiq edilə biləcəyini bildirən Yılmaz vurğulayıb: "Bu prosesdə psixoloji və ya fiziki səviyyədə xroniki yorğunluğa səbəb olan səbəb olan faktorların hansı olduğunu müəyyən etmək böyük əhəmiyyət kəsb edir. Psixoloji yorğunluğun müalicə prosesi psixoloji yorğunluğun intensivliyindən, insanın fərdi xüsusiyyətlərindən və motivasiyalarından asılı olaraq dəyişir. Psixoloji müalicə prosesində 'Koqnitiv Davranış Terapiyası' istifadə edilə bilər. Bu, mənfi emosiyaları və düşüncələri müsbət emosiyalarla əvəz etmək məqsədi daşıyır. Onun məqsədi insanda stress yaradan amilləri müəyyənləşdirmək və bu stresslərin öhdəsindən gəlmək bacarıqlarını inkişaf etdirməkdir. Davranış səviyyəsində insanın xoşuna gələn və onun üçün xeyirli olan məşğuliyyətlərə üz tutması, özünə daha çox vaxt ayırması, müntəzəm olaraq idmanla məşğul olması çox vacibdir.
Mənbə: CNNTürk
Tərcümə etdi: Samirə Kərimli
