Dermatoloq Həcər Köksal yaşlandıqca bədənin daha az kollagen istehsalının qırışlara və sərt oynaqlar kimi müxtəlif problemlərə səbəb olduğunu söyləib. Digər tərəfdən, ağızdan alınan kollagen əlavələri bədənin ən çox ehtiyac duyduğu orqanda istifadə olunur. Həkim deyir: “Kollagen əlavələrinin bədəndə harada istifadə ediləcəyini müəyyən etmək mümkün deyil. Əzələlərə və sümüklərə daha çox kollagen lazımdırsa, qəbul edilən əlavələrin faydaları dəri üçün çətin görünür. Mikronedles, mezoterapiya, fraksiya lazer və radiotezlik tətbiqləri ilə dəridəki kollagenin sintezini və miqdarını artıra bilərik”.
Dermatoloq həkim Həcər Köksal bu yaxınlarda varlığı, çatışmazlığı və səbəb ola biləcəyi problemlərə görə gündəmdə olan “kollagen” haqqında danışıb. Uzman kollagenin dərini gənc və sağlam edən bir quruluş olduğunu iddia edir. Həkim deyir ki, kollagen bədəndə ən çox yayılmış protein növüdür və dəri sisteminin, xüsusən də sümüklərin, liflərin və oynaqların tikinti bloklarını təşkil edir. Əzələlərin, sümüklərin, dərinin, tendonların, qan damarlarının və həzm sisteminin bir çox toxumasında olur. Bədən yaşlandıqca daha az kollagen istehsal edir. Bu da öz növbəsində dəri qırışları və oynaq sərtliyi kimi bir çox problemə səbəb olur.
Kollagen istehsalına mənfi təsir göstərən amillər
Uzman həkim Köksal qeyd edir ki, bədəndə əmələ gələn sərbəst radikallar (sərbəst radikallar bədənimizdə hər nəfəslə qəbul etdiyimiz oksigenin yanması nəticəsində əmələ gəlir və bəzən hüceyrələrimizə zərər verə bilər ki, bu da bəzi xəstəliklərə səbəb olur) yaşlandıqca istehsalı azalan kollagenin daha sürətli məhvinə səbəb olur. “Günəşdə çox olduğumuz zaman havanın çirklənməsi, ətraf mühitlə əlaqəli amillər, stres, siqaret çəkmə və yüksək şəkərli pəhriz kimi pis həyat tərzi faktorları bədəndə sərbəst radikalların əmələ gəlməsini artırır və bu da kollagenin azalmasına kömək edir” .
“Kollagen bədənin bütövlüyünü qorumaq üçün struktur bir proteindir”
Uzman həkim Köksal kollagenin yalnız dəridə deyil, bütün bədəndə birləşdirici toxumanı gücləndirdiyini vurğulayır. Köksala görə, ağızdan alınan kollagen əlavəsinin harada istifadə ediləcəyini təyin etmək mümkün deyil və “əzələlərə və sümüklərə daha çox kollagen lazımdırsa, alınan əlavənin faydalarının dəridə görünməməsi ehtimalı azdır. Kollagen bədənin bütövlüyünü qorumaq üçün struktur bir proteindir. Kollagen miqdarının bədən yaşlandıqca azalmağa başlaması, xaricdən əlavə olaraq qəbulunu artıran amillərdən biridir. İnsan bədənində ən az 16 növ kollagen məlumdur. Bioloji olaraq təsnif edilən bu kollagen növləri fərqli toxumalarda fərqli sıxlıqlara sahib olsa da, əksəriyyəti 1,2,3 və 10- cu növlərindən ibarətdir. Kollagen əlavələrindən istifadə edən 11 tədqiqat nəzərdən keçirildi və qiymətləndirmələri nəticəsində tip 2 kollagenin istifadəsinin oynaq sərtliyini və osteoartrit ilə əlaqəli oynaq ağrısı şikayətlərini azalda biləcəyi təsbit edildi. Tip 1-3 kollagen ehtiva edən əlavələrin yaraların sağalmasını sürətləndirə biləcəyi, 8 həftəlik müntəzəm istifadədən sonra Dermisdə dəri nəmini, elastikliyini və kollagen sıxlığını nəzərəçarpacaq dərəcədə artıra biləcəyi və kollagenin parçalanmasını azalda biləcəyi göstərilmişdir”.
Dolğu infeksiya ilə kollagen artırıla bilər
Dermatoloq Köksal əlavələrdən heç bir fayda gətirməyən dolğu inyeksiyası ilə dəridəki kollageni birbaşa artıra biləcəklərini söyləyib. Kollagen istehsalını artıran stimullaşdırıcı proseslər mezoterapiya, fraksiya lazer və RF tətbiqləri kimi də təsnif edilir. Həkim deyir ki, mikronedle ilə dermisə minimal ziyan dəyəndə çox tənbəl olan fibroblastlar tərəfindən kollagen istehsalını stimullaşdırırıq. Bu prosedurları müəyyən aralıqlarla etsək, kollagen sintezinə müsbət təsir göstərəcəkdir. Bundan əlavə, mezoterapiya ilə dəriyə giarulonic turşusu inyeksiya etmək kollageni birbaşa artırır dəridə və kollagen istehsalı üçün əlavə fayda təmin edir. Fraksiyalı lazer və qızıl iynə kimi proseslər də dərinin alt hissəsindəki hüceyrələri stimullaşdırır və kollagen sintezini təmin edir. Retinol kimi aktiv maddələr olan kremlər də sintezə müsbət təsir göstərir.
Mənbə: CNN Türk
Tərcümə etdi: Aysu Əsədova
