Harvard Universitetinin mütəxəssisləri şəkərli içkilərin insan sağlamlığına zərərləri barədə bir araşdırma aparıblar. Şəkərli içkilər içməyin qaraciyər xərçəngi riskini yüzdə 85 artırdığı ortaya çıxıb.
Harvard Universitetinin tədqiqatçıları 20 yaşdan yuxarı 100 min qadından ibarət qrupu müşahidə ediblər. Tədqiqatın nəticələri gündə yalnız bir şirin soda içən qadınların qaraciyər xərçənginə tutulma riskinin yüzdə 85 daha yüksək olduğunu göstərib.
Hər gün şəkərli içkilər qəbul edənlərin qaraciyər xəstəliyindən ölmə ehtimalı ayda üç dəfə və ya daha az içənlərə nisbətən yüzdə 68 daha yüksək olub.
Populyar dadlandırıcı aspartamın onkogenezlə əlaqəli ola biləcəyi ilə bağlı son narahatlıqlara baxmayaraq, qaraciyər xərçəngi ilə heç bir əlaqə müşahidə edilməmişdir.
Fəlsəfə doktoru, Bristol Universitetinin elmi işçisi Pauline Emmett deyib ki, yüksək şəkərli içkilər çox vaxt yüksək kalorili olur və piylənmə riskini artırır, bu da xərçəng və qaraciyər xəstəliklərinin inkişafı üçün risk faktorudur.
Şəkərli içkilər insulin müqavimətinə və Tip 2 diabetə də səbəb ola bilər ki, bu da yağlı qaraciyər xəstəliyi riskini artırır. Şəkərli və turş içkilərlə bağlı əvvəlki araşdırmalar da narahat nəticələr verdi. UC San Diego tibb fakültəsindən Cheryl Anderson, gündə ən az 1 stəkan şəkərli içki qəbul edən qadınlar üzərində apardıqları araşdırmanın təfərrüatlarını paylaşıb.
Tədqiqat gündə 1 stəkan şəkərli içki içməyin və ya içməməyin çox sadə bir həyat seçimi olduğunu, ancaq insan sağlamlığına çox təsir etdiyini bildirib.
Tədqiqat gündə ən azı 1 stəkan şəkərli içki qəbul edən qadınlarda baş verə biləcək xəstəlikləri sadalayıb.
Ürək-damar xəstəlikləri riski nadir hallarda içən qadınlarla müqayisədə yüzdə 23 artıb.
Şəkər əlavə edilmiş meyvə içkilərinin riski ürək-damar xəstəliklərinin inkişaf şansını yüzdə 42 artırıb.
Tədqiqatın müəllifi Cheryl Anderson qeyd edib ki, şəkərli içkilər iştahaaçan xüsusiyyətlərinə görə piylənməyə səbəb ola bilər: “Qanda qlükoza və insulin konsentrasiyasını artırırlar ki, bu da iştahanı artıra bilər. Beləliklə, bu, ürək-damar xəstəlikləri üçün əsas risk faktoru olan piylənməyə səbəb ola bilər “.
Su içilmədikdə bədəndə zəhərli maddələr yığılmağa başlayır. Ancaq su əvəzinə, daha çox turş və şəkərli içkilərə diqqət yetiririk. Bu içkilər, alkoqol kimi, bədənə zərər verir və zərərli mikroorqanizmlərin inkişafına səbəb olur. Təbii ki, immunitet sistemi gələcəkdə hər cür təzyiqlə mübarizə apara bilmədiyi üçün məhv olur və xərçəng kimi ölümcül xəstəliklər gənc və ya qoca yaşda insan ölümünə səbəb olur.
Turşu və ya qazlı içkilərdə fosfor turşusu, şəkər, aspartam, karbon dioksid, kofein, fosfor və sodyum benzoat kimi bir çox kimyəvi maddə var. Çöldə qablaşdırılan qutularda zərərli maddə Bisefanol A var.
Qazlı içkilərdə olan fosfor turşusu bədənin kalsiumun udulmasına mane olmağa başlayır. Kalsium udması zamanı nə baş verir? Sümük rezorbsiyası, osteoporoz, diş və skelet problemləri başlayır.
Ən diqqətəlayiq tədqiqat 1994-cü ildə Harvard Universitetində gənc idmançılar üzərində aparılmışdır. Hər gün qəbul edilən turş və ya qazlı içkilər idmançılarda kalsium səviyyəsinin azaldığını və sümük insidansının yüzdə 500 daha çox risk altında olduğunu göstərib.
Qazlı içkilərin tərkibindəki şəkər gündəlik qəbul edilə bilən səviyyədən xeyli yüksəkdir. Bu vəziyyət xolesterol, damarların tıxanması, diabet, piylənmə, xərçəng, yüksək qan təzyiqi, ürək problemləri, erkən yaşlanma və hormonal xəstəliklərin əsas səbəbidir.
Mənbə: CNN Türk
Tərcümə etdi: Aysu Əsədova
