Həddindən artıq düşünmək çətin bir vərdiş ola bilər. Siz, hətta özünüzü inandıra bilərsiniz ki, bir şey haqqında, həqiqətən, uzun müddət düşünmək ən yaxşı həll yolunu inkişaf etdirməyin açarıdır. Amma bu, adətən, belə olmur. Əslində, bir şey haqqında nə qədər çox düşünürsənsə, məhsuldar hərəkətlər etmək üçün bir o qədər az vaxt və enerji lazımdır. Bundan əlavə, fərqli şəkildə edə biləcəyiniz hər şey haqqında düşünmək, qərarlarınızı ikinci dəfə təxmin etmək və daim ən pis vəziyyət ssenarilərini təsəvvür etmək yorucu ola bilər.
Həddindən artıq düşünmək müəyyən bir mövzu və ya vəziyyət haqqında çox düşünməyi və uzun müddət təhlil etməyi əhatə edir. Çox düşünəndə fikrinizi başqa bir şeyə yönəltməkdə çətinlik çəkə bilərsiniz.
Bəzi insanlar bir mövzuya və ya problemə, demək olar ki, hər tərəfdən baxmağı və gələcək hadisələri proqnozlaşdırmağı ehtiva etdiyi üçün həddindən artıq düşünmənin faydalı ola biləcəyinə inansalar da, bunun əksi doğrudur. Tədqiqatlar göstərir ki, həddindən artıq düşünmək depressiya, narahatlıq və travma sonrası stress pozğunluğu (TSSB) hissləri ilə əlaqələndirilir.
Hər kəs düşüncələr içərisində olur. Ola bilsin ki, gələn həftə təqdimatınızı verərkən səhv gedə biləcək hər şeyi düşünürsünüz və ya qarşıdan gələn iş müsahibəniz üçün nə geyinəcəyinizə qərar vermək üçün saysız-hesabsız saatlar sərf etmisiniz.
Həddindən artıq düşünməyi dayandırmağın yollarını tapmaq sizi narahat edən şeyləri düşünmək əvəzinə, həyatınızda hərəkətə keçməyə kömək edə bilər. Başınızdakı bir məsələni təkrar-təkrar müzakirə etmək əvəzinə, vəziyyəti həll etmək üçün addımlar atmağa başlaya bilərsiniz.
Həddindən artıq düşünmə simptomlarına aşağıdakılar daxildir:
Başqa heç nə düşünə bilməmək
Rahat olmamaq və daimi narahatlıq hissi
Sizdən asılı olmayan şeylərə diqqət yetirmək
Psixi yorğunluq hissi
Həddindən artıq mənfi düşüncələrə sahib olmaq
Bir vəziyyəti və ya təcrübəni ağlınızda yenidən təsəvvür etmək
Bütün ən pis ssenariləri düşünmək
Həddindən artıq düşünmənin təsirləri
Həddindən artıq düşünmə ilə əlaqəli bəzi pozğunluqlara aşağıdakılar daxildir:
Depressiya
Ümumiləşdirilmiş narahatlıq pozğunluğu
Obsesif-kompulsiv pozğunluq
Travma sonrası sinir pozğunluğu
Mənbə: CNN Türk
Tərcümə etdi: Lamiyə Cənnətzadə
