Velosiped sürmək insanların çoxunun zehnində olduğu kimi təkcə idman üçün deyil, bir çox fərqli sahələrdə sizə fayda verən bir fəaliyyətdir. Siz həmçinin təbiət qoynunda gəzintiyə çıxa bilərsiniz və ya şəhər küçələrində velosiped sürə bilərsiniz.
Velosipeddə vaxt keçirmək; bu sizə daha fit bir bədən verə bilər, bədən müqavimətinizi artıra bilər, arıqlamağınıza kömək edə bilər və hətta özünüzü daha xoşbəxt hiss edə bilərsiniz.
Dünya pandemiya ilə mübarizə apararkən velosiped satışında partlayışların şahidi olduq. Ölkəmizdə satışın artması kimi əks olunsa da, təəssüf ki, hələ də xaricdəki qədər geniş yayılmayıb. Velosipedinizi tozlu anbarınızdan çıxarmağınız və ya yeni velosiped almağınız üçün səbəblər hazırlamışıq.
1) Velosiped sürmək ürək üçün faydalıdır
Aerobik hərəkətlər ürək sağlamlığınız üçün yaxşıdır. Velosiped sürmək aerobik fəaliyyətlərdən biridir. Əzələlərdə oksigenin tükənməsi ürəyinizi daha çox oksigenli qan pompalamağa məcbur edir, bu da ürəyinizin daha sürətli işləməsini təmin edir. Bundan əlavə, qan damarlarınızı və ağciyərlərinizi aktiv şəkildə işlədən bu fəaliyyət dolayısı ilə ürək sağlamlığınıza da fayda verir.
2) Velosipedlər depressiya və narahatlığı yox edir.
Velosiped sürmə orta intensivlikli məşqlərdən biridir. Bu səviyyənin bədəndəki stress səviyyəsini və depressiya və narahatlıq əlamətlərini azaltdığı müşahidə edilmişdir. Bu vəziyyət bədəndəki stress hormonlarının, adrenalin və kortizol səviyyələrinin aşağı salınması nəticəsində yaşanır. Bundan əlavə, velosiped sürməyin sosiallaşmanı artırması, qrup və klub şüurunun inkişaf etmiş bir idman növü olması psixi sağlamlıq baxımından müsbət təsirlərin artması olaraq müşahidə edilir.
3) Gəlin birlikdə dünyanı xilas edək
Bir avtomobilin boşluğuna 20 velosipedin sığacağını bilirdinizmi? Halbuki, velosiped istehsalı üçün istifadə olunan material və enerji avtomobildə istifadə olunan material və enerjinin 5%-ni təşkil edir. Təsəvvür edə bildiyiniz kimi, velosipedlərdə tullantıların əmələ gəlməsi sıfırdır. Bütün bunlarla yanaşı, müntəzəm velosipedçilər də havanın çirklənməsi ilə mübarizə aparan ekoloqlardır.
4) Ölümsüzlük olmasa da, daha uzun yaşamağın sirləri velosipedinizdə gizlənə bilər.
Tədqiqatlar göstərir ki, velosiped sürmək həyatınıza sözün əsl mənasında "illər" əlavə edə bilər. Velosipedçilər və velosiped sürməyənləri müqayisə edərkən, gündə 60 dəqiqəyə qədər orta intensivlikdə velosiped sürən insanlar; Bütün səbəblərdən ölüm riskinin 20 faiz azaldığını göstərir.
5) Arıqlamaq istəyirsiniz? Velosiped sizin üçündür
Arıqlamaq istəyə bilərsiniz. Sonra velosipedə min və sürməyə başla! Bir saatda təxminən 300 kalori yandırmağa imkan versə də, daha sürətli avtomobil sürmək kalori istehlakımızı da artırır. Məsələn, 68 yaşlı bir şəxs; sürətini 20-22 km/saat civarında saxlasa, 30 dəqiqəlik gəzintidə belə demək olar ki, 300 kalori yandıra bilər.
6) Velosipedlə çağın bəlası olan, xərçəng xəstəliyinə qalib gəlin!
Araşdırmalara görə, müntəzəm velosiped sürməyin ümumilikdə xərçəng riskini azalda biləcəyi proqnozlaşdırılıb. Yetkin kişilər üzərində aparılan tədqiqatda: Həftədə 60 dəqiqə velosiped sürməyin xərçəng riskini 20 faiz azaltdığı məlum olub. Yenə eyni araşdırmaya uyğun olaraq həftədə 90-100 dəqiqə velosiped sürməyin xərçəng riskini 40-45% azaltdığı müşahidə edildi.
Mənbə: Ceotudent.com
Tərcümə etdi: Amin Həsənli
