Google Gemini Pro-nun 3.1 versiyasını təqdim edib. Yeni model müstəqil testlərdə əvvəlki versiyanı əhəmiyyətli dərəcədə üstələyib.
Google cümə axşamı özünün güclü böyük dil modeli olan Gemini Pro-nun ən yeni versiyasını təqdim edib. 3.1 versiyası hazırda ilkin baxış kimi əlçatandır və şirkətin bildirdiyinə görə, yaxın zamanda geniş istifadəyə veriləcək.
Google-un yeni modeli indiyə qədərki ən güclü LLM-lərdən biri ola bilər. Müşahidəçilər qeyd edirlər ki, Gemini 3.1 Pro əvvəlki versiya olan Gemini 3-dən əhəmiyyətli dərəcədə irəlidədir. Xatırladaq ki, Gemini 3 noyabr ayında təqdim olunarkən artıq kifayət qədər güclü süni intellekt aləti hesab olunurdu.
AI startapı Mercor-un CEO-su Brendan Foody də modeli yüksək qiymətləndirib. Onun sözlərinə görə, Mercor-un real peşəkar tapşırıqlarda AI modellərinin performansını ölçən APEX sistemi üzrə Gemini 3.1 Pro hazırda APEX-Agents liderlər cədvəlinin zirvəsindədir. Foody bildirib ki, bu nəticələr agent sistemlərinin real bilik əsaslı işlərdə nə qədər sürətlə inkişaf etdiyini göstərir.
Bu təqdimat süni intellekt sahəsində rəqabətin daha da qızışdığı bir dövrdə baş verir. Texnologiya şirkətləri agent tipli işlər və çoxmərhələli məntiqi düşünmə üçün nəzərdə tutulmuş getdikcə daha güclü modellər təqdim edirlər. OpenAI və Anthropic kimi digər böyük şirkətlər də yaxın zamanda yeni modellərini təqdim
Mənbə: Tech Crunch
Tərcümə etdi: Nərmin Məmmədzadə
