Psixiatr və yuxu mütəxəssisi Çester Vu deyir ki, gün ərzində 15-20 dəqiqəlik yatmaq vərdişi koqnitiv qabiliyyətləri yaxşılaşdırır və konsentrasiyanı artırır. Daily Mail onun fikirlərini sitat gətirir.
Mütəxəssisin sözlərinə görə, əvvəllər belə hesab olunurdu ki, orqanizm yalnız yuxunun dərin fazalarında fiziki və əqli gücü bərpa edir, lakin yeni məlumatlar səthi yuxunun heç də daha az fayda vermədiyini sübut edir. Vu dedi ki, yuxu və oyaqlıq arasındakı vəziyyətdə bütün bədən funksiyaları yavaşlayır: ürək dərəcəsi azalır, bədən istiliyi və qan təzyiqi düşür. Bu, bədənin ehtiyatlarını azad etməyə və onları bərpaya yönəltməyə kömək edir.
Vu əlavə etdi ki, yüngül yuxu motor yaddaşın – fiziki tapşırıqların yerinə yetirilməsi ilə bağlı xatirələrin formalaşmasında mühüm rol oynayır. Bundan əlavə, onun fikrincə, gündüz qısa bir yuxu zehni qabiliyyətləri və konsentrasiyanı yaxşılaşdırmaq üçün yaxşı vasitədir.
Psixiatr hər bir insan üçün səthi yuxu normasının fərdi olduğunu qeyd edib. O izah edib ki, gecə ərzində beyin bütün fazalara qərq olur və ehtiyac duyduğu qədər onların hər birində qalır. Buna görə də, Vu düzgün istirahət və rifah üçün müəyyən mərhələlərə ilişib qalmamağı, rejimə əməl etməyə çalışmağı və bədənə bərpa üçün kifayət qədər vaxt verməyi məsləhət görür.
Mənbə: Lenta.ru
Tərcümə etdi: Günel Məmmədova
