Alimlər insan genomunda “mozaik mutasiyalar”-a səbəb olan həssas bir bölgə müəyyən ediblər. İspaniyanın Genomik Tənzimləmə Mərkəzi (CRG) və Harvard Tibb Məktəbinin tədqiqatçılarının apardığı və "Nature Communications" jurnalında dərc olunan araşdırmaya görə, genlərin başlanğıcından sonrakı ilk 100 baz cütü (TSS bölgələri) mutasiyalara qarşı xüsusilə zəifdir.
Bu mutasiyalar adətən mayalanmadan sonra, embrionun ilkin hüceyrə bölünmələri zamanı yaranır və bədəndə genetik baxımdan fərqli hüceyrə qruplarının formalaşmasına səbəb olur. Şəxs özü bunu hiss etməsə də, mutasiya nəsilə ötürülərsə, xərçəng və inkişaf pozuntuları kimi ciddi xəstəliklərə yol aça bilər.
Alimlər bildirir ki, bu kəşf genetik xəstəliklərin mənşəyini anlamağa və mövcud mutasiya modellərini daha dəqiq qurmağa imkan verəcək.
Mənbə: NTV
Tərcümə etdi: Asiya Zeynallı
