Klinik qidalanma professoru və UCLA Jonsson Kompleks Xərçəng Mərkəzinin üzvü Catherine Carpenter yüksək temperaturda bişirilmiş ət yeməyin xərçəng riskini artıra biləcəyi barədə xəbərdarlıq edib.
Yay manqalını planlaşdırarkən bu eşitmək istədiyiniz şey olmaya bilər, amma sağlam bişirməyin yolları var. Gələcək illər üçün sizi daha sağlam saxlaya biləcək bəzi kulinariya məsləhətləri üçün oxumağa davam edin.
Xərçəng riski nədir?
Ətin yüksək temperaturda qızardılması ətin kömürləşməsinə səbəb ola bilər. Bu, heterosiklik aminlər (HCAs) və polisiklik aromatik karbohidrogenlər (PAH) kimi tanınan kanserogen kimyəvi maddələr istehsal edən neftin yanmasına səbəb ola bilər. Avtomobilin işlənmiş qazlarından, aşındırıcı maddələrdən və digər çirkləndiricilərdən də yaranan bu kimyəvi maddələrə uzun müddət məruz qalmaq DNT-ni zədələyə və zamanla şişə çevrilə bilər.
Dr. Carpenter: "Bu, birdəfəlik təcrübə deyil, məsələn, ətinizi çox uzun müddət qızardanda və qara rəngə çevrildiyi zaman bu daha çox həyati təhlükəyə yol açır. 30 ildir bu şəkildə yemək bişirirsiniz, manqalınız var. Hər həftə sonu əti yüksək istilikdə qızardırsınız, qaralma baş verir. O zaman xərçəng riski baxımından problem yaranır”,- deyə o vurğulayıb.
Dr. Carpenter bu kanserogenlərə məruz qalma riskini azaltmaq üçün qril tövsiyələri təklif edir: "Əti birbaşa odda qızartmayın. Əgər birdən çox ocağınız varsa, əti ocağın üstünə alovsuz qoyun. Ətdə kömür parçaları varsa, süfrəyə gətirməzdən əvvəl onları kəsin."
Mənbə: Habertürk
Tərcümə etdi: Aytən Nazim
